ISAIAH 59:13 - BUKUIT NE TILIIL Sireet ne Dutero Kanon

¹³ ki kieesye Kamuktaindet ne Toroor eng' pistoennyo, ak kigemaste ama kisup Kamuktaindennyo, keng'alaali ng'aleegap sastaet ak ngelelnateet, kichobe eng' mugulelwekyok ng'aleegap lembech, ak kemwae.

Bukuit Ne Tilil

¹³ ki kieesye Kamuktaindet ne Toroor eng' pistoennyo, ak kigemaste ama kisup Kamuktaindennyo, keng'alaali ng'aleegap sastaet ak ngelelnateet, kichobe eng' mugulelwekyok ng'aleegap lembech, ak kemwae.

BUKUIT NE TILIL

¹³ kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

ISAIAH 59:13 Referencias Cruzadas

Kitabuutap JOB 31:28

ko myee koek niito agine tengekto ne irwookyin kirwoogik: Amu ta kiga amwachi lembech Kamuktaindet ne mi parak.

TIENWOGIKAL 18:21

Amu ki ariip ortinwegap Kamuktaindet ne Toroor, ak ma abagaakte Kamuktaindennyu eng' oor ne ya.

TIENWOGIKAL 78:36

Ago ki iberber ineendet eng' kutusweekwak, Ak komwachi lembechek eng' ng'elyebwekwak.

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

ISAIAH 10:1

Pwo eng' icheek che ng'atei ng'atuutik che ma po iman, ak eng' icheek che sirei kamaaset,

ISAIAH 30:12

Mwaei anyun Ineendet ne Tiliil ne po Israel ko uu ni, kole, Amu osase ng'olyoondoni, ak omang'u sastaet ak kamaaset, ak otiegei chooto;

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 48:8

Ee, kitom igas, ee kitom inai; ee kitom koyaatak iting'ung': amu ki angen ale iyae kaberberisyet ne oo, ak ki kiguurenen pistoindet kobooch imi moo.

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

ISAIAH 57:11

Ak ki iywei ng'oo anyun ak itoptoben kot imwa lembech, ak ma ibwaata ama chut ng'olyoondoniito muguleldang'ung'? Ma asiis peetuusyek che chaang' ama iywea?

ISAIAH 58:13

Ngot iiste keeldong'ung' eng' peetuutap sabato, ameyai tuguuk che ichame eng' peetuunnyu ne tiliil; ak ile poiboiyet peetuutap sabato, ne tiliil ne po Kamuktaindet ne Toroor, ne po teegisto; ak igonyit peetuunooto, amesup ortinweguk, anan icheeng' che ichame, anan imwa ng'aleeguk:

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

ISAIAH 58:9

Yeityo anyun iguurse, ak kowolun Kamuktaindet ne Toroor; iguure, ak kole, Ami yu. Ngot iiste chogit eng' kwenung'ung', kang'wererisyet, ak ng'alaalet ne ya;

JEREMIA 12:8

Kigoigei porotennyu eng' anee, ng'etundo ne miitei timiin. Ki kowaagena ak ki awech anyun amu nooto.

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:16

Kogeny, chooto mi Nop ak Tapanes, ko ki kotui meting'ung' parak.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 3:20

Ago ko uu ye pagaktoi `osotyot manong'otyondennyi eng' kaberberisyet, ko uu nooto, ki oyaiywo kaberberisyet, ee kootap Israel,” mwaei Kamuktaindet ne Toroor.

JEREMIA 32:40

ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

JEREMIA 5:23

Ago tinyei pichu muguleldo ne po pistoet ak ngelelnateet, ki kobistoe ak koba.

EZEKIEL 18:25

Ago omwae ole, Ma po iman ooreetap Kamuktaindet ne Toroor. Ogas anyuno, kootap Israel: tos ma po iman ooreennyu? Tos ma ortinwekwok che ma po iman?

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

HOSEA 1:2

Ye kingo ng'alaalji `Kamuktaindet ne Toroor Hosea eng' tai, koleenji `Kamuktaindet ne Toroor Hosea, “Ui imutyigei chepkugoniot koek osotyong'ung', ak lagogap kugoinatet, amu yaei emet kugoinatet ne oo kometoi Kamuktaindet ne Toroor.”

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

HOSEA 7:1

Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

HOSEA 7:13

Pwo eng' icheek! Amu ki koombeniot kometaa: ingonyonji icheek ng'emisyet! Amu ki kongelelja: agot nganda amache atyach icheek, ko ki komwa kora lembechek agobo anee.

AMOS 6:12

Tos rwaei paraisisyek eng' rwandet? Tos ibate `chii eik olooto? Ko owal kirwooget koek kiit ne ng'waan, ak owal logoek che po imanda koek ng'wonet.

MATAYO 10:33

Ago age tugul ne eesyoa eng' taitap piik, aeesyoi ineendet agine eng' taitap Abba ne mi kipsengwet.

TITO 1:16

Mwaei kole ingen Kamuktaindet; ago eesyoi ineendet eng' poisyonikwak, ki koek che kiwechei, ak che ma kase iit, ama tilei kiy eng' poisyet age tugul ne myee.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.

JAKOBO 3:6

Ak ng'elyepta ko maat. Ng'wonyut ne po tengekto eng' kebeberwekyok ko ng'elyepta, ne imurwoni poorto komugul, ak konaami maat eng' pandap chii kotee kosabei ak kinaami eng' maatap Gehenna.

JOSHUA 24:27

Yeityo komwachi `Joshua piik tugul koleenji, “Ee, egu kooi paoryat agobo acheek. Amu kagogas ng'aleek tugul che po Kamuktaindet ne Toroor che kimwaiwech, ko egu anyun paoryat agobo okweek, si moeesye Kamuktaindeng'wong'.”