ISAIAH 57:13 - BUKUIT NE TILIIL Sireet ne Dutero Kanon

¹³ Ingosaruun ye iriire, icheek che ki iyum, ago ibei usoonet icheek, ibei kabuuset icheek tugul: ago namei emet kobunji, ineendet ne imang'wa, ak koek tulweennyu ne tiliil porotennyi.

Bukuit Ne Tilil

¹³ Ingosaruun ye iriire, icheek che ki iyum, ago ibei usoonet icheek, ibei kabuuset icheek tugul: ago namei emet kobunji, ineendet ne imang'wa, ak koek tulweennyu ne tiliil porotennyi.

BUKUIT NE TILIL

¹³ Ingosorun ye irire, ichek che kiiyum, ago ibei usonet ichek, ibei kabuset ichek tugul: ago namei emet kobunji, inendet ne imang’wa, ak koek tulwennyu ne tilil borotennyi.

ISAIAH 57:13 Referencias Cruzadas

2 LAITORINIK 3:13

Ki leenji `Elisha laitoryatap Israel, “Kiting'egei nee ak inyee? Ui ole mi maotigap kwandang'ung' ak maotigap kamenng'ung'.” Ak ki leenji laitoryatap Israel ineendet, “Achicha! Amu kogoguur Kamuktaindet ne Toroor laitorinichu somok kibagenge, konde eunegap Moab.”

Kitabuutap JOB 21:18

Ak koigei icheek mobeek eng' taitap usoonet, ak koigei meteteek che ibei usoonet ne oo?

TIENWOGIKAL 1:4

Ma uu nooto che yaacheen; ago kergei icheek ak meteteek che ibei usoonet.

TIENWOGIKAL 118:8

Kaigai kimang'u Kamuktaindet ne Toroor kosiir kimang'u chii.

TIENWOGIKAL 125:1

Uu icheek che imang'u Kamuktaindet ne Toroor Tulweetap Zion, ne ma kimuuchi keisto, ago tebyei koigeny.

TIENWOGIKAL 37:11

Ago namei emet che talaen; ak kogaaskei eng' kaalyeet ne oo.

TIENWOGIKAL 37:22

Amu che ki koberuur Kamuktaindet ne Toroor, kobunjin emet; ago che ki kochup kiwong'u.

TIENWOGIKAL 37:29

Namei emet che po imanda, ak komeny olooto koigeny.

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

TIENWOGIKAL 37:9

Amu kiwong'u che yaei yaityo, ago namei emet che igeni Kamuktaindet ne Toroor.

TIENWOGIKAL 58:9

Kotom kogas tereenikwok maatap katok, Istoi ineendet icheek eng' kipchurchuryet, che tuonen ak che laldos kogergeit.

TIENWOGIKAL 84:12

Ee Kamuktaindet ne Toroor ne po lugoosyek, Paibai chii ne imang'un.

KALEWANAIK 28:25

Ing'eeti pooryeet ineendet ne tinyei kasetap myat, ago nerei ineendet ne imang'u Kamuktaindet ne Toroor.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 40:24

Ki ma kemiine chooto, ee ki ma kegoolei chooto; ee ki ma nam ng'wony tigitikwak, si koguut ineendet icheek, ak koresyo, ak koip kipchurchuryet icheek ko uu mobeek.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 45:20

Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 65:11

Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

ISAIAH 65:9

Ak amutu ne ki kiii eng' Jakobo, ak amutu eng' Judah nyabanindetap tuloonookyuk, ak kobunji yooto chechuuk che ki kilewen, ak komenyei yooto otwogikyuk.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 2:28

Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.

JEREMIA 22:20

Togoste Lebanon, ak iriir; ak iwaach eng' Bashan: ak iriir eng' Abarim; amu kagobar chamaniguk tugul.

JEREMIA 22:22

Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

EZEKIEL 20:40

Amu tuun ota koot komugul ne po Israel eng' tulweennyu ne tiliil, eng' tulweet ne kooi ne po Israel, ota icheek tugul eng' emet, mwaei Kiptaiyat Kamuktaindet ne Toroor: ataache icheek eng' olooto, ak amagenak eng' olooto kagoochinoikwok, ak tongoanigap kagoochinoikwok, kobooto tuguukwok tugul che tiliileen.

HOSEA 13:3

Kergeitu anyun ak poldetap karon, ak rewoot ne sip kobetei, ak ko uu meteteek che ibei kipchurchuryet eng' rwanyut ne kiboorsee, ak ko uu iyeto ne mandoe soiyet.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

KIRUOGIK 10:14

Oba oriirchi kamuktaik che ki olewen! Ingosarwok icheek eng' peetuutap nyalildang'wong'.”