ISAIAH 5:6 - BUKUIT NE TILIIL Sireet ne Dutero Kanon

⁶ Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

Bukuit Ne Tilil

⁶ Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

BUKUIT NE TILIL

⁶ ak angem; ma kesabori, ama kesemberi; ago bitos katablelinik ak katok: ang’ate kogeny bolik si mata korobonji.

ISAIAH 5:6 Referencias Cruzadas

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 8:35

“Ye kerak kipsengwet, ak kobet ropta, amu ki koyaun tengekto, ko ngot kosa kotokyigei komosi, kong'aany kaineng'ung' ak koweek eng' tengektonywa, ye inyaliil icheek,

Kitabuutap JOB 31:40

ko ingobiityo anyun katook che rutei piich kogeer nganuuk, ak kogeer timdo baale. Kagogeskei ng'aleegap Job.

KALEWANAIK 24:31

Ak keero, ki kobitye katook mbareet tugul; ak ki tuch siwek yooto tugul, ak ki kobutok inatunnyi ne po koik.

ISAIAH 24:12

Ng'etu kubernateet eng' nganaseet, ak kebare ormariichet ng'emisyet.

ISAIAH 30:23

Ak koyook ineendet ropta ne po kesweguk, si kobiit igolse; ak kogoonok amitwogik che punu ruroteetap emet, ak koneryo ak kochang'a. Tuun agete kiyagiik ole paraa eng' peetuunooto.

ISAIAH 32:10

Amu kinyalilok eng' peetuusyek alak ko kagosiirto kenyiit, okweek kwonyiik che moriibegei; amu petei ruroteetap sabibuk, ma piitu kesisyet.

ISAIAH 49:19

Amu mariigitu komosweguk che kigemeto, ak che ki koguber, ak emeng'ung' ne kigeng'em, iman mariigityin piik che menyei, ak kolooegitu icheek che kiluguin.

ISAIAH 55:13

Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

ISAIAH 7:19

Si kobwa, yeityo komuuny tugul eng' atebwosyek che ki koek surkwen, ak eng' ole ki kobetak eng' rwandosyek, ak eng' katok tugul, ak eng' ola tugul ole kiyagisye.

JEREMIA 14:1

Ki nyoonji Jeremiah ng'olyootap Kamuktaindet ne Toroor agobo kemeut.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 25:11

Ak koek karaatya emoni komugul, ak kwong'eet; ak koot pororyosyechu laitoryatap Babilon kenyiisyek tamanwogik tisap.

JEREMIA 45:4

Mwachi anyun ineendet ko uu ni, ileenji, mwaei Kamuktaindet ne Toroor ko uu ni kole: Keero, abute ne ki ateech, ak atutu ne ki amin; ak ayae niito eng' emet komugul.

RIREKAB JEREMIA 2:6

Ki koisto emainnyi eng' koroomnateet ko uu mbareet, Ki kong'em oldanyi ole kituiyechin. Ki koisto Kamuktaindet ne Toroor tuiyet ne ki king'at ak sabato eng' Zion, ak eng' nyitatetap nereegekyik ko ki kogas laitoryat ak tisiindet.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

HOSEA 9:6

Ogeero, kigoistoegei ng'emisyet, ago iyumi Misiri icheek, ak tubei Mempis icheek: punjin siwek tuguukwak che korooron che po fedha: mi katook emaisyekwak.

JOEL 1:7

Kagong'em ketinnyu ne po sabibuk, ak kobach mogoywennyu; ki kobony ak kowiirta; kagoleelagitu mooriikyik.

AMOS 4:7

Ak ki aeetenak kogeny ropta, ye ki tomo arawek somogu si koit kesisyet. Ki agoochi korobonji nganaseet age, ak aeete ropta nganaseet age. Kirobonji komosta ne ming'in, ak ki yaam komosta ne ma robonji.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.

NG'ANG'UTYET 11:6

Tinyei chuuto kimnateet koger kipsengwet, si ma robon eng' peetuusyegap maonatennywa: ak kotinyei kimnateet kowal peek koek korotiik, ak kobir ng'wony eng' koroita age tugul, kotugul ko uu ye machei.