ISAIAH 5:18 - BUKUIT NE TILIIL Sireet ne Dutero Kanon

¹⁸ Pwo eng' icheek che ichuutune ng'oogisto poroonik che po puch, ak kochuutu tengekto ko uu eng' rogoetap chepkichutit,

Bukuit Ne Tilil

¹⁸ Pwo eng' icheek che ichuutune ng'oogisto poroonik che po puch, ak kochuutu tengekto ko uu eng' rogoetap chepkichutit,

BUKUIT NE TILIL

¹⁸ Bwa eng’ ichek che ichuutune ng’ogisto boroonik che bo buch, ak kochuutu tengekto ko u eng’ rogoetab karit:

ISAIAH 5:18 Referencias Cruzadas

TIENWOGIKAL 10:11

Leen eng' muguleldanyi, “Ko koutye Kamuktaindet; unyei togeennyi, ma keerei agoi.”

TIENWOGIKAL 14:1

Ki komwa ne perber eng' muguleldanyi, kole, “Ma mi Kamuktaindet.” Kigong'emogis, ak koyai yautik che kiwechei; ma mi ne yaei ne myee.

TIENWOGIKAL 36:2

Amu ilasugei ineendet, leen, ma kinyooru tengektanyi ak kewech.

KALEWANAIK 4:17

Amu amei amitwogigap yaityet, ak koeei divaigap koroomnateet.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 23:24

Tos imuuchi chii kounygei eng' komoswek che ung'ootiin, kot koma keer ineendet? Mwaei Kamuktaindet ne Toroor. Tos ma anyii kipsengwet ak ng'wony? Mwaei Kamuktaindet ne Toroor.

JEREMIA 36:23

Ak kingo kagosoman Jeudi kartasisyek somok anan ang'wan, kotil laitoryat eng' rotweet, ak kowiirchi maata kimi kisigirit, agoi kolal bukuit komugul kogeskei eng' maata.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

JOHANA 16:2

Oonok eng' sinagogisyek. Nyoonei sait, ne ibwaati chii tugul ne parok kole, ayachini Kamuktaindet poisyet.

POISYONIGAP CHE KIYOKTOI 26:9

Ki abwaati aneendet iman ale kanyool ayai tuguuk che chaang' che kirindoi kainetap Jeso ne po Nazareth.

KIRUOGIK 17:13

Kole anyun Mikah, “Angen nguno ale yaiywo Kamuktaindet ne Toroor ne myee, amu atinye Lawindet ne tisiindennyu.”

KIRUOGIK 17:5

Ki tinyei chiichito kiguure Mikah kootap kanamonik, ak ki yai ephod ak terapik, ak ki itabaan age eng' weeriikyik, koek tisiindennyi.