ISAIAH 49:7 - BUKUIT NE TILIIL Sireet ne Dutero Kanon

⁷ Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

Bukuit Ne Tilil

⁷ Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

BUKUIT NE TILIL

⁷ Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

ISAIAH 49:7 Referencias Cruzadas

TAUNET 27:29

Ingootin pororyosyek, ak ingong'uruukyin pororyosyek. Egu kiptaiyat eng' tupchosyeguk, ak ingong'uruukyin weeriigap kamenng'ung'. Chuboot ineendet ne chubin, ak iberuurot ineendet ne iberuurin!”

TIENWOGIKAL 47:9

Kagoyumgei kirwoogigap piik koek piigap Kamuktaindet ne po Abraham, amu long'osyegap ng'wony ko po Kamuktaindet; itoroorot inee miising'.

TIENWOGIKAL 68:31

Tuun mang'une pounik Misiri; Iyogoochin Kush eunekyik Kamuktaindet kochokyin.

TIENWOGIKAL 69:19

Ingen rosyinet ne kirosyina, ak kalilanennyu, ak teweernatennyu: Miitei taing'ung' puunikyuk tugul.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 19:21

Ak konaak Kamuktaindet ne Toroor eng' Misiri, ak konai `Misiriik Kamuktaindet ne Toroor eng' peetuunooto. Ilasune icheek koroseek ak kagoochinoik, ak koarorchi Kamuktaindet ne Toroor kaarorunet, ak koyai kosulda.

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 48:7

Kitau keyaei nguno, ma pooch keny; ak kitom igas agoi peetuuni; si memwa ile, Keero, ki angen.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 50:6

Ki agoochi kobir patennyu piriik, ak agoochi matang'wekyuk icheeget che kiitut suumeek: ma aung'e togeennyu teweernateet ak che sing'iljino.

ISAIAH 52:15

ibisi anyun pororyosyek che chaang'; namei kuut laitorinik amu ineendet: amu tuun keerei tuguuk che kitom kemwachi icheek, ak koguiyo tuguuk che kitom kogas.

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 60:3

Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

ISAIAH 66:23

Ak tuun pwoonei piik tugul koloswa eng' tainnyu kobooch ye kaleel arawet agoi koleel age, ak kobooch sabato age agoi sabato age, mwaei Kamuktaindet ne Toroor.

SEKARIA 11:8

Ak ki ang'em mestoweek somok eng' arawet agenge; amu kigong'et saboondanyu agobo icheek, ak kowecho kogeny saboonwekwak.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 26:67

Kising'ilji togeennyi ak koluch; ak korabach alak,

LUKA 22:27

Ng'oo ne oo anyun, ineendet ne tebyei eng' amisyet, anan ineendet ne otisyei? Tos ma ineendet ne tebyei eng' amisyet? Ago ami kwenung'wong' ko uu chiito ne otisyei.

LUKA 23:18

Ago ki polyo tugul, kole, “Iste chiichi, ak ityakwech Barabbas:”

LUKA 23:23

Ago ki tes kobolyo miising', komachei kole kigartaat. Ak ki iterteeris kutusweekwak.

LUKA 23:35

Ak kitonondos piik kogeerei. Ak kororechi ineendet pounik kole, Kisaru alak; ingosargei ibak ngo Kristo niito, ne lewenot ne po Kamuktaindet.

JOHANA 18:40

Kobolyo anyun kogeny, kole “Ma chiichi, ago Barabbas!” Ago anyun, ki rebindet Barabbas.

JOHANA 19:15

Kobolyo pichooto kole, “Iste ineendet! Iste ineendet! Igartaat ineendet!” Koleenji Pilato anyun icheek, agartaat laitoryandeng'wong'? Kowol tisiik che eecheen, kole, ma kitinye laitorya kobatee Caesarea.

JOHANA 19:6

Ye kingo keer anyun ineendet tisiik che eecheen ak kiptainik, kobolyo, kole, “Igartaat! Igartaat!” Koleenji Pilato, “Omut okweek ineendet ak ogartaat; amu ma anyoorchi leluut.”

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

1 PETERO 2:4

obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.