ISAIAH 49:18 - BUKUIT NE TILIIL Sireet ne Dutero Kanon

¹⁸ Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

Bukuit Ne Tilil

¹⁸ Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

BUKUIT NE TILIL

¹⁸ Yot met ak igeer komoswek tugul: iyumigei chuto tugul, ak kobwanjin. Mwaei Jehovah kole, Ko u ye asobe, iman, ilaachi tuguchoto tugul ko u kit ne bo lelesta, ak igermenege ichek, ko u ye kermenigei mureret.

ISAIAH 49:18 Referencias Cruzadas

TAUNET 13:14

Kingo kagobesyo Lot ak Abram, koleenji `Kamuktaindet ne Toroor Abram, “Kuskong' ak itobende nguno anyun, keer kong'eete yo imi; kong'eete komostap kaataam agoi komostap tai, kong'eete kong'asiis agoi cherongo,

TAUNET 22:16

koleenji, “Kayosyechigei aneege, mwaei Kamuktaindet ne Toroor, amu keyai kii, ma ieteno weeriing'ung' ne ineegei.

KALEWANAIK 17:6

Chepkuletap poisyek `mochogoronikwak, ak toroornatetap lagok `kwanisyekwak.

ISAIAH 45:23

Ki ayosyechigei, kagomang'une ng'olyoot kutinnyu eng' imanda, ama weechegei, ale, kutung'jino kutundo age tugul, iyastos ng'elyepta age tugul.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:22

Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

ISAIAH 54:7

Ki abagaakteen ne matya; ago ayumin eng' rireenet ne oo.

ISAIAH 54:9

Amu uu niito eng' anee peegap Noa: amu ko uu ye ki ayosye ale ma komarane emet peegap Noa kogeny, kayosye ko uu nooto ale ma nereekyinin kogeny, anan agerin kong'.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

JEREMIA 43:12

Ak alaal maat eng' kooriigap kanamonigap Misiri; ak kobeel ineendet kanamonichooto, ak koip: ak kolaach emetap Misiri, ko uu ye ilaachi mestowot ngoryennyi; ak kwo eng' olooto eng' kaalyeet.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

KAITOSYEK 14:21

Ago iman, ko uu ye asabe ak ko uu ye tuun nyiei ng'wony komugul toroorindap Kamuktaindet ne Toroor,

JOHANA 4:35

Momwae okweek ole, ‘Ta komi arawek ang'wanu, si koit kesisyet?’ Ogeero, amwaiwok ale, ‘Ong'eet met, ak ogeer mbareenik ole kagoleelagitu, kagoyam keges.

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.