ISAIAH 49:13 - BUKUIT NE TILIIL Sireet ne Dutero Kanon

¹³ Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

Bukuit Ne Tilil

¹³ Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

BUKUIT NE TILIL

¹³ Otiense, ee kipsengwetisiek; ak oboiboitu, ee ng’ony; ak otiense, ee tulonok; amu kagogaigai Jehovah bikyik, ak korire bikyik che kiginyalil.

ISAIAH 49:13 Referencias Cruzadas

1 ATEPTAP PEETUUSYEK 16:31

Ingogaskei kipsengwet, ingobaibait ng'wony! Ingomwa eng' pororyosyek, kole “Laitorani Kamuktaindet ne Toroor!”

TIENWOGIKAL 148:9

Olasu okweek tuloonook ak tuloonook che mengeechen; keetiik che iytos, ak taragonik tugul!

TIENWOGIKAL 65:13

Nyiitootiin kewosyek keechiirek; Ak nyiitootiin peek atebwosyek; Igasegei amu poiboi ak kotyendos.

TIENWOGIKAL 69:34

Ingolas ineendet kipsengwet ak ng'wony, Nyanjosyek, ak tuguuk tugul che pendote olooto.

TIENWOGIKAL 71:21

Tes etunatennyu, Ak iweeige kogeny igaigaa.

TIENWOGIKAL 89:13

Itinye euut ne po kamuktaet: Kiim eung'ung', ak toroor eung'ung' ne po tai.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 49:14

Ago ki mwa Zion kole, ki kometa Kamuktaindet ne Toroor, ak kigoutyeno Kiptaiyat.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 54:7

Ki abagaakteen ne matya; ago ayumin eng' rireenet ne oo.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

JEREMIA 51:48

Yeityo kotyen eng' poiboiyet kipsengwet ak ng'wony, ak tugul che mi olooto, agobo Babilon; amu pwoonei piik che luulei ineendet kobunu murot kaataam, mwaei Kamuktaindet ne Toroor.

EZEKIEL 35:14

Mwaei anyun Kiptaiyat Kamuktaindet ne Toroor kole: Ye tuun paibait ng'wony komugul, ayain iguber.

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

2 KORINTOEK 7:6

Ago Kamuktaindet ne igoigoi che nyerootiin, ko ki igaigaech eng' nyonunetap Tito;