ISAIAH 45:8 - BUKUIT NE TILIIL Sireet ne Dutero Kanon

⁸ Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

Bukuit Ne Tilil

⁸ Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

BUKUIT NE TILIL

⁸ Osau, okwek kipsengwetisiek, ak ingorong’ bolik imanda: ingoyatak emet, si kobiit koib bolik yetunet, ak ingogochi imanda kobityo tugul; ane Jehovah ne kiayae noto.

ISAIAH 45:8 Referencias Cruzadas

2 LAITORINIK 19:25

‘Tom igas ole ki ayaite eng' keny? Ki ayai eng' peetuusyek che po keny nooto kaasulde nguno, si kobiit ibut nganasook che ng'ootaatiin koek karurugutik che ki king'em.’

TIENWOGIKAL 68:8

Kobotan ng'wony, Ak kororok kipsengwet eng' taitap Kamuktaindet: Kobotan Sinai nooto eng' taitap Kamuktaindet, Kamuktaindetap Israel.

TIENWOGIKAL 72:3

Ipchin tuloonook piiguk kaalyeet, Ak ipchin tuloonook che mengeechen piiguk imanda.

TIENWOGIKAL 72:6

Chorugei ineendet ko uu ropta ne choorchingei malelyet: Ko uu ropta ne inesyin ng'wony.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:11

Amu ko uu ye ing'atos tuguuk eng' ng'wony, ak ko uu ye piitos tuguuk che ki kigoolji mbar; kobiti ko uu nooto Kiptaiyat Kamuktaindet ne Toroor imanda ak kalasunet eng' taitap pororyosyek tugul.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

JEREMIA 31:22

Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

EZEKIEL 34:26

Ak ayai icheek koek kaberuret kobooto komoswek ole neegitee tulweennyu; ak ang'at ropta koroobon eng' peetuusyekyik; ak kobiit roptap kaberuret.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 4:24

ak olaach chiito ne leel, ne ki kiyai eng' Kamuktaindet eng' imanda ak tiliilindo ne po iman.