ISAIAH 45:3 - BUKUIT NE TILIIL Sireet ne Dutero Kanon

³ ak agoonin konoraigap mesundeito, ak mogornatosyek che ung'ootiin che po komoswegap ung'oot, si kobiit inai ile aa Kamuktaindet ne Toroor ne ki aguurin eng' kaineng'ung', Kamuktaindetap Israel.

Bukuit Ne Tilil

³ ak agoonin konoraigap mesundeito, ak mogornatosyek che ung'ootiin che po komoswegap ung'oot, si kobiit inai ile aa Kamuktaindet ne Toroor ne ki aguurin eng' kaineng'ung', Kamuktaindetap Israel.

BUKUIT NE TILIL

³ ak agonin konoraikab mesundeito, ak magornatosiek che ung’otin che bo komoswekab ung’ot, si kobiit inai ile a Jehovah ne kiaguurin eng’ kaineng’ung’, Kamuktaindetab Israel.

ISAIAH 45:3 Referencias Cruzadas

2 ATEPTAP PEETUUSYEK 6:17

Ara anyun, ee Kamuktaindet ne Toroor, Kamuktaindetap Israel, ingogimiit ng'olyoondeng'ung' ne ki imwachi otwogindeng'ung' Daudi.”

EZRAH 1:2

“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

KOMONG'U 33:12

Ki leenji `Musa Kamuktaindet ne Toroor “Keero, kemwaiwo, ileenjo, ‘Imut pichu kotogosta,’ ago tomo imwaiwo chiito ne iyoogu keebe tuwai. Nganda kaimwa ile, ‘Ingen kainenyu ak kaanyooru chameet eng' taing'ung'.’

KOMONG'U 33:17

Ki leenji `Kamuktaindet ne Toroor Musa, “Ayae anee ng'olyoondoni kesoom. Amu kenyooru chameet eng' tainnyu ak angen kaineng'ung'.”

ISAIAH 41:23

Omwa tuguuk che ta kobiitu, si kobiit kenai keele oo kamuktaik: ee, oyai ne myee, anan oyai ne ya, si kobiit ketoptobense, ak kegeer acheek tugul.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 48:15

Anee, ee aneendet ne ki amwae; ee ki aguur ineendet: ki amutu, ak poorei ineendet eng' ooreennyi.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

JEREMIA 41:8

Ago ki piit piik tamanu eng' kwenunnywa che ki mwachi Ishmael koleenji, amebarech: amu ki tinyei tuguuk che ki kiuny eng' mbar, nganuuk, ak baale, ak mwanik, ak kumyat. Kobagaakta anyun, mata kobar icheek eng' kwenutap tupchosyekwak.

JEREMIA 50:26

Obwa obargei ak ineendet che obunu kiwotosyek che looen, oyat chogenikyik: oyum ineendet ko uu karurugutik ak ong'em ogesu: amat kong'et kiy nenyi.

JEREMIA 50:37

Mi rotwetap chok paragutap paraisisyekwak, ak eng' kariisyekwak che po lugeet, ak eng' paragutap piik tugul che kiburuchkei che mi kobooto ineendet, ak koigei icheek kwonyiik: mi rotwetap chok paragutap konoraikyik, ak kerep chooto.

JEREMIA 51:13

Ee, inyee ne menyei peek che chaang', ne chaang' miising' konoraiguk, kait kagesuneng'ung' karagendoetap mageng'ung'.

JEREMIA 51:53

Agot nda togosta Babilon agoi kipsengwet, ak agot nda ng'oot toroorindap kimnateennyi, ko ui tugul kobunnywa piik che luulei ineendet, mwaei Kamuktaindet ne Toroor.