ISAIAH 43:11 - BUKUIT NE TILIIL Sireet ne Dutero Kanon

¹¹ Anee, ee, aneendet, aa Kamuktaindet ne Toroor; ama mi yetindet age kobatena.

Bukuit Ne Tilil

¹¹ Anee, ee, aneendet, aa Kamuktaindet ne Toroor; ama mi yetindet age kobatena.

BUKUIT NE TILIL

¹¹ Ane, ee, anendet, a Jehovah; ama mi yetindet age kobatena.

ISAIAH 43:11 Referencias Cruzadas

TIENWOGIKAL 3:8

Po Kamuktaindet ne Toroor yetunet; ingotebee perurtang'ung' piiguk.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 19:20

Tuun egu nooto kaboorunet ak paornateet ne po Kamuktaindet ne Toroor ne po lugoosyek eng' emetap Misiri. Tuun riirchin Kamuktaindet ne Toroor amu usiikwak, ak koyookyi icheek yetindet, kotoret, ak kosar icheek.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

JONAH 2:10

Ak ki ng'alaalji `Kamuktaindet ne Toroor njiryot, ak ki ing'ung' Jona konyo emet.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

LUKA 1:47

Ak kagobaibait saboondanyu eng' Kamuktaindet Yetindennyu,

LUKA 2:11

amu kagisikwok Yetindet rani, eng' nganaseet ne po Daudi, nooto Kristo Kiptaiyat.

POISYONIGAP CHE KIYOKTOI 4:12

Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”

NG'ATUTIK 6:4

Ogaso ee Israel! Kamuktaindet ne Toroor Kamuktaindennyo, ko Kamuktaindet ne Toroor agenge;

TITO 2:10

amaek che kooen eun, ago kobarta kayaneet tugul ne myee; si kobiit kogoochi icheek telunateet kaneetisyetap Kamuktaindet ne Yetindennyo eng' tuguuk tugul.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

1 JOHANA 4:14

Ak ki kegeer ak kebaoryani keele ki iyook `Kwanda Weeriit konyo koek Yetindetap ng'wony.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”