ISAIAH 42:7 - BUKUIT NE TILIIL Sireet ne Dutero Kanon

⁷ iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

Bukuit Ne Tilil

⁷ iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

BUKUIT NE TILIL

⁷ iyat konyek che koriotin, imoong’u kimonjororinik eng’ korgoret, ak imoong’u che tebe mesundeito komong’une got ne kigiratyi.

ISAIAH 42:7 Referencias Cruzadas

TIENWOGIKAL 97:7

Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul.

ISAIAH 29:18

Eng' peetuunooto ko tuun kasei ng'aleegap bukuit piik che ma kastoi, ak kogeerto eng' mesundeito ne oo ak eng' ole imen konyegap che koryotiin.

ISAIAH 35:5

Ak koit koyatagis anyun konyegap che koryotiin, ak koyatagis itiik che timotin.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 42:22

Ago chu ko piik che ki kiluul, ak kerebe tuguukwak; ki kiname icheek tugul keriingonik, ak keung'e korgorosyek: ki koek che kiluulei, ama mi chii ne saru; ki koek che kiluule tuguuk, ama mi chii ne leen, Oweekte.

ISAIAH 49:9

koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

MIKAH 7:9

Amuitoi eng' nereegegap Kamuktaindet ne Toroor, amu ki ayachi tengekto; agoi kong'alaal agobo ng'olyoondennyu, ak koyaiywo kirwooget: tuun imutwaa among' ole mi lapkeiyet, ak ageer imandanyi.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

LUKA 24:45

Koyaat anyun ng'omnootosyekwak, si kobiit konai siruutik;

JOHANA 9:39

Ak ki le Jeso, “Ki anyoo ng'wonyuni amu kirwooget, si kobiit kogeerto che ma keertoi; ak kogoryo che keertoi.”

JOHANA 9:7

ak koleenji, “Ui iunde eng' tamboiyotap Siloam” (ye kiweech keele, “Kiyookto”). Ki wo anyun, ak koun, ak konyo kogeertoi.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 TIMOTEO 2:26

ak kosargei icheek komang'une mesteetap chesawilyet, ko kagoluul icheek si koyai magennyi.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.