ISAIAH 42:13 - BUKUIT NE TILIIL Sireet ne Dutero Kanon

¹³ Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

Bukuit Ne Tilil

¹³ Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

BUKUIT NE TILIL

¹³ Mandoi Jehovah ko u chito ne kim; ing’eeti neregek ko u chitab luget; bolei, ee waachei mising’; iborjin bunikyik kamugennyi.

ISAIAH 42:13 Referencias Cruzadas

TIENWOGIKAL 118:16

Itoroorot eutap tai ne po Kamuktaindet ne Toroor! Yaei eutap tai ne po Kamuktaindet ne Toroor tuguuk che kiimeen.”

TIENWOGIKAL 78:65

Ki ng'eet anyun Kiptaiyat ko uu ne karuei, Ko uu chiito ne kiim ne parori amu maiyek.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 31:4

Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 63:15

Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

ISAIAH 66:14

Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 25:30

Maotenji anyun eng' ng'aleechu tugul, ileenji, Pooriseni Kamuktaindet ne Toroor eng' parak, ak kotwegu eng' meng'ootennyi ne tiliil; porisenjin miising' akweennyi; waachei ko uu che tyechei sabibuk, kowaakyi piik tugul che menyei ng'wony.

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

JOEL 3:16

ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.