ISAIAH 40:10 - BUKUIT NE TILIIL Sireet ne Dutero Kanon

¹⁰ Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

Bukuit Ne Tilil

¹⁰ Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

BUKUIT NE TILIL

¹⁰ Ogeero, nyonei Kiptaiyat Jehovah ko u inendet ne kim, ak kobounisiei eunnyi agobo inendet: ogeero, mi melektanyi koboto inendet, ak mi yaaktaennyi tainnyi.

ISAIAH 40:10 Referencias Cruzadas

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TIENWOGIKAL 110:6

Tuun irwookyin pororyosyek, inyiiti emotinwek muuswek. Tuun kwerei metowek eng' emotinwek che chaang'.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 33:2

Ee Kamuktaindet ne Toroor, rirenech; ki kigenin. Egu kimnateennyo eunnyo karonet age tugul, ak iegu yetunennyo agine eng' peetuutap nyalilda.

ISAIAH 49:4

Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

ISAIAH 51:5

Neegit imandanyu, kamong' yetunennyu, ak korwookyi piik eunekyuk; igeno ngeguusyek, ak komang'u eunnyu.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 59:15

Ee, petoot imanda; ak ineendet ne pagaktoi yaityet koyaegei koek ne kiluulei. Ak ki keer Kamuktaindet ne Toroor niito, ak ma ibaibai ineendet amu ki ma komi kirwooget.

ISAIAH 59:16

Ak ki keer kole ma mi chii age tugul, ak ki kwong' amu ki ma komi ne sachin age: ki ipchigei anyun yetunet eng' eunnyi; ak kiti imandanyi ineendet.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

ISAIAH 63:5

Ak ki ageerote, ama piit ne toretisyei; ak ki akwong' amu ma piit chii ne tiyei age: ki ibwa anyun eunnyu yetunet; ak kitiia nereegekyuk che ng'woneen.

JEREMIA 31:16

Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

JOHANA 12:13

Ki nam anyun mooriik che po sosik, ak koba kotorookta ineendet ak komwa eng' kutit ne oo kole, “Hosanna! Iberuurot ineendet ne nyoonei eng' kainetap Kiptaiyat, nooto Laitoryatap Israel.”

JOHANA 12:15

“Meiywei, inyee, ee, cheptap Zion. Keero, nyoonei Laitoryandeng'ung', kobunu moitap sigiryet!”

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.