ISAIAH 39:3 - BUKUIT NE TILIIL Sireet ne Dutero Kanon

³ Ki nyo anyun `maotyot Isaiah kaplaitoryat Hezekiah, ak koteebe koleenji, kale nee pichu? Kobunu ano kobwanei oling'ung'? Ak ki le Hezekiah, Kabwa olinnyu kobunu emet ne loo, emetap Babilon.

Bukuit Ne Tilil

³ Ki nyo anyun `maotyot Isaiah kaplaitoryat Hezekiah, ak koteebe koleenji, kale nee pichu? Kobunu ano kobwanei oling'ung'? Ak ki le Hezekiah, Kabwa olinnyu kobunu emet ne loo, emetap Babilon.

BUKUIT NE TILIL

³ Kinyo anyun maotiot Isaia oldab laitoriat Hesekia, ak koteebe kolenji, Kale nee bichu? Ak kabunu ano kobwanei oling’ung’? Ak kile Hesekia, Kabwa olinnyu kobunu emet ne loo, emetab Babulon.

ISAIAH 39:3 Referencias Cruzadas

2 SAMUEL 12:1

Ki iyookto `Kamuktaindet ne Toroor Nathan kwo ole mi Daudi. Ak ye kingo nyo ole mi ineendet koleenji, “Kimi piik aeng'u nganaseet agenge. Ki mogoryot age, ko ki kibananiat age.

2 ATEPTAP PEETUUSYEK 16:7

Ki nyo eng' peetuusyechooto Hanani keerindet ole mi Asa laitoryatap Judah, ak koleenji, “Amu koitiegei laitoryatap Syria, ma itiegei Kamuktaindet ne Toroor Kamuktaindeng'ung', ko kachililso anyun lugeetap laitoryatap Syria eng' eung'ung' amu nooto.

2 ATEPTAP PEETUUSYEK 19:2

Ki wo Jehu weeriitap Hanani keerindet, kotorookta ineendet ak koleenji Laitoryat Jehoshaphat, “Tos yamin itoret kiptengekyot ak icham che wechei Kamuktaindet ne Toroor? Amu kiito, ko pwonjinin nereegek che punu taitap Kamuktaindet ne Toroor.

2 ATEPTAP PEETUUSYEK 25:15

Kolalyo anyun nereegegap Kamuktaindet ne Toroor agobo Amasia, ak koyookyi maotyot ne ki mwachi ineendet koleenji, “Amu nee si icheeng' kanamonigap piik, che tomo kosar piikwak eng' eung'ung'?”

ISAIAH 38:1

Kimyan Hezekiah eng' peetuusyechooto kot ko neegit kome. Ak ki nyo ole mi ineendet Isaiah maotyot weeriitap Amos, ak koleenji ineendet, “Mwaei Kamuktaindet ne Toroor kole, rarchi keet piigap koong'ung'; amu imee, mesabe.”

ISAIAH 38:5

“Ui mwachi Hezekiah ileenji, mwaei Kamuktaindet ne Toroor, Kamuktaindetap Daudi kwandang'ung' kole, kaagas saaeng'ung', kaageer peeguk po kong': keero, atesyini peetuusyeguk kenyiisyek taman ak muut.

ISAIAH 39:4

Koleenji anyun, Kageer nee eng' koong'ung'? Ak ki wol Hezekiah kole, kageer tuguuk tugul che mi koonnyu: ma mi kiy eng' konoraikyuk ne ma aboorchi icheek.

JEREMIA 4:16

Omwachi pororyosyek, obarastachi Jerusalem, oleenji, ibogu piik che ng'eete emet ne loo, ak imuui nganasoogap Judah.

JEREMIA 5:15

Ee kootap Israel, mwaei Kamuktaindet ne Toroor, amutwok pororyet ne punu ole loo, pororyet ne kiim, pororyet ne po keny miising', pororyet ne mongen kutinnyi, amoguitosi kiit ne mwaei.

JEREMIA 8:19

Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen

JOSHUA 9:6

Ki pa ole mi Joshua eng' nganaseet eng' Gilgal, ak komwachi ineendet ak piigap Israel koleenji, “Ki punu emet ne loo, ara anyun ongeyai arorutyet ak okweek.”

JOSHUA 9:9

Kowol kole, “Punu otwogiguk emet ne loo kot amu kainetap Kamuktaindet ne Toroor Kamuktaindeng'ung'; amu kigegas etunatennyi ak tuguuk tugul che ki yai eng' Misiri,