ISAIAH 38:3 - BUKUIT NE TILIIL Sireet ne Dutero Kanon

³ kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.

Bukuit Ne Tilil

³ kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.

BUKUIT NE TILIL

³ kole, Ee Jehovah, asain ale, ibwat ole kiatepte eng’ imanda eng’ taing’ung’ ak eng’ muguleldo ne igesunotgei, ak kiayai ne mie eng’ taing’ung’. Ak kirir Hesekia eng’ ng’wanindo.

ISAIAH 38:3 Referencias Cruzadas

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 6:9

Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.

1 LAITORINIK 15:14

Nganda ma ki isto komoswek che torooreen, ko ki ititaat muguleldap Asa eng' Kamuktaindet ne Toroor eng' peetuusyekyik tugul.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

2 LAITORINIK 18:3

Ki yai ne myee eng' taitap Kamuktaindet ne Toroor, ko uu tugul che kiga yai Daudi kwandanyi.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:19

Ak igoochi weeriinnyu Solomon muguleldo ne ititaat, si koriip ng'atuutiguk, paornatosyeguk ak kaneetisyosyeguk, koyai chuuto tugul, ak koteech kootap laitoryat, ne ki achopchi tuguuchuuto.”

1 ATEPTAP PEETUUSYEK 29:9

Ki poiboitu anyun piik, amu ki igoito eng' chamyet, amu ki igoochi Kamuktaindet ne Toroor eng' muguleldo ne igesunotkei. Ki paibait agine Laitoryat Daudi eng' poiboiyet ne oo.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

2 ATEPTAP PEETUUSYEK 25:2

Ki yai ne myee eng' taitap Kamuktaindet ne Toroor, ago ma eng' muguleldo ne ititaat.

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

NEEMIA 1:4

Ye kinga kas ng'aleechuuto, atep ng'wony ariir ak aaragen eng' peetuusyek alak, ki arugutkei ak asaa eng' taitap Kamuktaindetap kipsengwet.

NEEMIA 13:14

Ibwaata, ee Kamuktaindennyu agobo ng'olyoondoniito, amat ibuch poisyonikyuk che myach che ki ayai agobo kootap Kamuktaindennyu ak poisyonikyik.

NEEMIA 13:22

Ki ang'at Lawiik koanyinygei ak kobwa koriip ormariichok, kotabaan peetuutap sabato. “Ibwaata, ee Kamuktaindennyu, agobo ng'olyoondoniito agine, ak iriirena ko uu ooindap rireeneng'ung'.”

NEEMIA 13:31

Ki ang'at tuguuk che po kagoochinetap kweenik ak che po tongoanik keip eng' peetuusyek che ki king'at. Ibwaata, ee Kamuktaindennyu eng' tuguuk che myach.

NEEMIA 5:19

Ibwaata, ee Kamuktaindennyu, eng' tuguuk che myach, amu tugul che ki ayachi pichu.

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

TIENWOGIKAL 102:9

Aame oreek koek amitwogik, ak ki aburuch tuguukyuk che aee kobooto peegap kong',

TIENWOGIKAL 119:80

Ingoek ne ititaat muguleldanyu eng' ng'atuutiguk; si ma lilan.

TIENWOGIKAL 16:8

Kande Kamuktaindet ne Toroor tainnyu peetuusyek tugul; amu mi ineendet eunnyu ne po tai, ma ki istaa.

TIENWOGIKAL 26:3

Amu mi tainnyu chamyeng'ung' ne tala, ak ki awendotee imaning'ung'.

TIENWOGIKAL 32:2

Paibai miising' chii ne ma iityin Kamuktaindet ne Toroor tengekto, ama komi ng'aalseet muguleldanyi.

TIENWOGIKAL 6:6

Kaang'et eng' tigenoikyuk; marane peegap kong' itogunnyu kemout age tugul; sachin peekyuk po kong' ole arue.

TIENWOGIKAL 6:8

Oistoenage, okweek tugul yaigap tengekto! Amu kagogas Kamuktaindet ne Toroor tuugeetap riirekyuk.

ISAIAH 38:2

Kowelel anyun Hezekiah togeennyi kogeer inaat, ak kosa Kamuktaindet ne Toroor,

ISAIAH 38:4

Konyonji anyun `ng'olyootap Kamuktaindet ne Toroor Isaiah koleenji,

HOSEA 12:4

ee, ki tinyei kimnateet koterteer malaikaiyat, ak ki iterteer. Ki riir, ak kosa ineendet: kinyoorchi `ineendet Bethel, ak ki ng'alaalwech eng' olooto;

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

NG'ATUTIK 6:18

Yai ne po iman ak ne myee eng' taitap Kamuktaindet ne Toroor si komyeeit eng' inyee ye iwe inam kobunjiin emet ne myee ne ki iyasyechi Kamuktaindet ne Toroor kwanisyeguk

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.