ISAIAH 34:6 - BUKUIT NE TILIIL Sireet ne Dutero Kanon

⁶ Nyiitaat korotiik rotwetap chok ne po Kamuktaindet ne Toroor, kigo akwait eng' akwaindo, eng' korotiigap aaregap keechiir ak ng'oroorek, kobooto mwanigap soromok che po mengichik. Amu tinyei Kamuktaindet ne Toroor tiseiywot eng' Bosra, ak parisyet ne oo eng' emetap Edom.

Bukuit Ne Tilil

⁶ Nyiitaat korotiik rotwetap chok ne po Kamuktaindet ne Toroor, kigo akwait eng' akwaindo, eng' korotiigap aaregap keechiir ak ng'oroorek, kobooto mwanigap soromok che po mengichik. Amu tinyei Kamuktaindet ne Toroor tiseiywot eng' Bosra, ak parisyet ne oo eng' emetap Edom.

BUKUIT NE TILIL

⁶ Nyiitat korotik rotwetab chok ne bo Jehovah, kigoakwait eng’ akwaindo, eng’ korotikab arekab kechir ak ng’ororek, koboto mwanikab soromok che bo mengichik: amu tinyei Jehovah tiseiywot eng’ Bosra, ak barisiet ne o eng’ emetab Edom.

ISAIAH 34:6 Referencias Cruzadas

2 SAMUEL 1:22

Eng' korotiigap che ki kibar, eng' mwanigap che kiimeen, koma week let kwangetap Jonathan, ama week puch rotwetap chok ne po Saulo.

1 ATEPTAP PEETUUSYEK 1:44

Kingo me Bela, ko ki laitoran Jobab weeriitap Zerah ne po Bosra kogeer ineendet.

TIENWOGIKAL 137:7

Ibwaat, ee Kamuktaindet ne Toroor, kiit ne ki yai piigap Edom peetuut ye ki kiluule Jerusalem; che kileen, “Obut! Obut! Agot oldanyi ole tonone kooriik!”

ISAIAH 29:2

Ak aiim anyun Jerusalem, ak kobiit riirek ak kateiyet, ak koigeit ineendet eng' anee Ariel.

ISAIAH 34:5

Amu ki koee rotwennyu po chok eng' kipsengwet kot konyi, ogeero, choorchingei Edom, ak choorchingei piik che ki achup, kirwookyi.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

ISAIAH 63:3

Ki atyech aneege sabibuk eng' ole kitue; ak ki ma komi chii kobooto eng' pichooto; ee, ki atyech eng' nereegekyuk, atyechatyech eng' nereegekyuk che laldos; ak koisegei ngoroikyuk korotiikwak che saptos, ak ki amurwon ngoroikyuk tugul.

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

JEREMIA 12:12

Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.

JEREMIA 25:34

Oteiye, okweek mestoweek, ak oriirye; omildaegei oreek, okweek che oo eecheen eng' akweet; amu kagoit peetuusyek che ki parenok, ak atonatonak, ak obutye ko uu tereet ne ki chamei.

JEREMIA 46:10

Amu po peetuunooto Kiptaiyat Kamuktaindet ne Toroor ne po lugoosyek, peetuutap yaaktaetap mugetuut, si koyaaktoochi ineendet mugetuut eng' puunikyik: ak koamis rotwetap chok ak kobiyo, ak koeei korotiikwak kobiyo: amu tinyei Kiptaiyat, Kamuktaindet ne Toroor ne po lugoosyek, tiseiywot eng' emetap murot kaataam ole neegitee aineetap Yufrets.

JEREMIA 49:13

Amu ki ayosyechigei, mwaei Kamuktaindet ne Toroor, ale, Egu Bosra ne kikwong'ee; ne kichotei, ak karaatya, ak ne kisasei; ak koek nganasookyik tugul karatwek kotugul.

JEREMIA 49:7

Ng'aleegap Edom: Mwaei Kamuktaindet ne Toroor ne po lugoosyek ko uu ni, kole: Tos ma komi utaatyet eng' Teman? Tos ki kobet kirwooget eng' che ng'oomen? Tos ki kobek ng'omnatennywa?

JEREMIA 50:27

Obar kirugikyik tugul; ochoorte koba ole kieng'se: Pwo! Icheek! Amu kagoit peetuunywa, peetuut ne ityin icheek pireet.

JEREMIA 51:40

Amutu icheek ko uu aaregap keechiir che pendi ole kieng'see, ko uu mengichik kobooto kwesik.

EZEKIEL 21:10

kagelit si kobiit kobaris; kagesit si kobiit koigei kalyeleet: tos kiboiboitu anyun? Kirokto ne po weeriinnyu ne sasei keetit age tugul.

EZEKIEL 35:15

Ko uu ye ki ibaibaitune poroteetap kootap Israel, amu kiguber, ayaun ko uu nooto: iguberi, ee, inyee tulweetap Seir, ak Edom komugul, komosato tugul; si konai icheek kole aa Kamuktaindet ne Toroor.

EZEKIEL 35:8

Ak anyiit tuloonookyik piikyik che kigebar: ak kobutyo icheek che kigebar eng' rotwetap chok eng' tuloonooguk ak eng' atebwosyeguk ak eng' kererusyeguk.

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

SEPANIA 1:7

Osisye eng' taitap Kiptaiyat Kamuktaindet ne Toroor: amu kagoriik peetuutap Kamuktaindet ne Toroor: amu kagochop Kamuktaindet ne Toroor tiseiywot, kagoanyiny toekyik.

NG'ATUTIK 32:14

Kibae icheek mwaitap cheego ne po akweet, ak cheegap keechiirek, kobooto mwanigap aaregap keechiir. Ki igoochi icheek mengichigap Bashan ak ng'oroorek, kobooto mwanigap nganuuk che myachen. Ki eei divaik che anyiny, che kiyae peegap sabibuk.

NG'ATUTIK 32:41

Ngalit rotwennyu po chok ne ilyeli, ak konam eunnyu kirwooget, ayaakyini mugetuut puunikyuk, ageerchini che wecho.