ISAIAH 32:3 - BUKUIT NE TILIIL Sireet ne Dutero Kanon

³ Ama kigerei konyegap icheeget che keertoi, ak kogasta itigap icheeget che kastoi.

Bukuit Ne Tilil

³ Ama kigerei konyegap icheeget che keertoi, ak kogasta itigap icheeget che kastoi.

BUKUIT NE TILIL

³ Ama kigerei konyekab icheget che keertoi, ak kogasta itikab icheget che kastoi.

ISAIAH 32:3 Referencias Cruzadas

ISAIAH 29:18

Eng' peetuunooto ko tuun kasei ng'aleegap bukuit piik che ma kastoi, ak kogeerto eng' mesundeito ne oo ak eng' ole imen konyegap che koryotiin.

ISAIAH 29:24

Nyooru kaguiyet ak icheek icheeget che ichiliili eng' mugulel, ak koneetkei kaneetisyet icheek che ing'unyng'ung'dos.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

MARIKO 7:37

Ak ki kwong'yo miising' ne siirei koleen, “Kagoyai tuguuk tugul komyee; igoochin kogasta agot che ming'otin ak kong'alaal che namotin kuut.”

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.