ISAIAH 27:13 - BUKUIT NE TILIIL Sireet ne Dutero Kanon

¹³ Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

Bukuit Ne Tilil

¹³ Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

BUKUIT NE TILIL

¹³ Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

ISAIAH 27:13 Referencias Cruzadas

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

1 ATEPTAP PEETUUSYEK 15:24

Ki kuut iryagook eng' taitap moingetap Kamuktaindet tisiik: Sebania, Josapat, Nethanel, Amashai, Zekariah, Benaiah ak Elieser. Ki riibiigap kurgeetap ole ki mi moinget Obed-edom ak Jeia.

TIENWOGIKAL 47:5

Ki togosta Kamuktaindet eng' tuleet, ki togosta Kamuktaindet ne Toroor ak cheetap iryageet.

TIENWOGIKAL 81:3

Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

TIENWOGIKAL 89:15

Poiboen piik che ingen tyendap poiboiyet: Pendote icheek lapkeiyetap togeng'ung', ee Kamuktaindet ne Toroor.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 19:21

Ak konaak Kamuktaindet ne Toroor eng' Misiri, ak konai `Misiriik Kamuktaindet ne Toroor eng' peetuunooto. Ilasune icheek koroseek ak kagoochinoik, ak koarorchi Kamuktaindet ne Toroor kaarorunet, ak koyai kosulda.

ISAIAH 19:22

Ak tuun pirei Kamuktaindet ne Toroor Misiri, kobir ak kosoop; ak koweekyigei Kamuktaindet ne Toroor, ak kogasyi soomutikwak ak kosoop icheek.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 25:6

Eng' tulwooni ko tuun yachin Kamuktaindet ne Toroor ne po lugoosyek pororyosyek tugul, igoorto ne po tuguuk che akwaen ak divaik che ki kotebi keny, ne po tuguuk che akwaen che nyiitootiin mwanik, ne po divaik che korooron.

ISAIAH 43:6

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

ISAIAH 66:23

Ak tuun pwoonei piik tugul koloswa eng' tainnyu kobooch ye kaleel arawet agoi koleel age, ak kobooch sabato age agoi sabato age, mwaei Kamuktaindet ne Toroor.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 43:7

ak kiit emetap Misiri; amu ki ma kas iit kutitap Kamuktaindet ne Toroor: ak ki pwa agoi Tapanes.

JEREMIA 44:28

Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

EZEKIEL 20:34

Ak amutwok omong'u eng' pororyosyek, ak ayumak eng' euut ne kiim, ak eng' euut ne chuulaat, ak eng' nereegek che ng'woneen che rong'ugei, omang'une emotinwek ole ki kiseerchok;

EZEKIEL 20:41

Ataachok ko uu nyamdutyet ne anyiny, ye amutwok omang'une pororyosyek, ak ayumak omang'une emotinwek ole ki kiseerchok; ak aegu ne itabaanat eng' okweek kogeerei pororyosyek.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 11:11

Pwoonei kobotanionu ko uu toriityon ne mang'une Misiri, ak ko uu cheptuget ne mang'une emetap Assyria: ak agoochi icheek komeny kooriikwak, mwaei Kamuktaindet ne Toroor.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

HOSEA 9:3

Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

ATEPTAP LAWIK 25:9

Yeityo iguut iryageet ne cheei miising', eng' peetuutap taman eng' arawetap tisap; oguute iryageet koyom emeng'wong' komugul eng' peetuutap kagaigaet.

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

SEKARIA 14:16

Ak age tugul ne ng'etu eng' pororyosyek tugul che ki ibookyin Jerusalem, kotogostoi olooto eng' kenyiit age tugul, kolasu Laitoryat, Kamuktaindet ne Toroor ne po lugoosyek, ak koyai igoorto ne po keryosyek.

SEKARIA 8:7

Mwaei Kamuktaindet ne Toroor ne po lugoosyek kole: Ogeero, asaru piikyuk eng' emet ne po kong'asiis ak eng' emet ne po cherongo;

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

1 THESSALONIKEK 4:16

Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo:

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

NG'ANG'UTYET 10:7

ago eng' peetuusyegap kutitap malaikaiyatap tisap, ye tuun machei koguut, kogeskei ung'ootyetap Kamuktaindet ko uu Logoiywek che Myachen che ki mwachi otwogikyik maotik.

NG'ANG'UTYET 8:2

Ak ki ageer malaikaisyek tisap che kitonondos eng' taitap Kamuktaindet; ak ki kigoochi iryagook tisap.

NG'ANG'UTYET 8:6

Ak kochopkei malaikaisyek tisabu che ki tinyei iryagook tisap si koguut.

NG'ANG'UTYET 9:14

komwachin age malaikaiyandanooto po lo, ne ki tinyei iryageet, koleenji, “Ityach malaikaisyek ang'wan che ratotiin eng' aineet ne po Yufrets.”