ISAIAH 26:1 - BUKUIT NE TILIIL Sireet ne Dutero Kanon

¹ Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

Bukuit Ne Tilil

¹ Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

BUKUIT NE TILIL

¹ Tun kitieni tieni eng’ emetab Juda eng’ betunoto: Kitinye achek nganaset ne kim; ng’atei inendet yetunet koek inatusiek ak irimoik.

ISAIAH 26:1 Referencias Cruzadas

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

TIENWOGIKAL 31:21

Iberuurot Kamuktaindet ne Toroor, amu ki koboorwo chamyennyi ne tala ne kikwong'ee eng' nganaseet ne kiim.

TIENWOGIKAL 48:12

Obendatee Zion, omuut, oiit teeksosyek che kooen.

TIENWOGIKAL 48:4

Ogeero, ki koyumgei laitorinik, ki pa tugul kibagenge.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 14:31

Itee, ee ormariichet; riir, ee nganaseet; kaichoot, ee Philistia, inyee tugul; amu mang'une iyeto murot kaataam, ama tononi chii ineegei eng' peetuusyekyik che ki king'at.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:20

Eng' peetuunooto ko laktoi chiito kanamonikyik che po fedha, kolaktoochi pung'ung'onik ak reresik ak kanamonikyik che po thahabu, che ki kiyachi ineendet si kosa,

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 31:5

Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

ISAIAH 31:9

Ak komwei rwandennyi amu kamuiset, ak kotoptobenso pounikyik amu songolyet ne kageer,” mwaei Kamuktaindet ne Toroor ne mi maannyi Zion, ak komi maannyi ne oo Jerusalem.

ISAIAH 33:5

Toroor Kamuktaindet ne Toroor; amu menyei parak, ki konyiit Zion kirwooget ak imanda.

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 5:1

Ngatyenji chamanennyu tyendo ne po chamyet agobo mbareennyi ne po sabibuk: Ki tinyei chamanennyu mbareetap sabibuk eng' tulweet ne ming'in ne akwai miising'.

ISAIAH 56:5

kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 62:10

Omande, omandae ormariichok; ochop ooreetap piik; ochop, ochop ooreet ne oo; oiste koik; onamji parak songolyet agobo piik.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

EZEKIEL 40:5

Ak ogeero, kimi inaatut ne kiyiem koot, ak kimi eutap chiichooto tegat ne kikwaise ne po mitainik lo che po euut eng' koindo, kakwautyet age tugul eng' chooto lo, ko kitesat tebeesindo agenge ne po euut: ki ikwa anyun tebeesindap inaatut, koek tegat agenge; ak ki ek kooindap tononennyi tegat agenge.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

SEKARIA 2:9

Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

KAITOSYEK 21:17

Kityen anyun Yahudik tyeni: “Kuutu peek, ee keriingoni! Otyenji!

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.