ISAIAH 25:1 - BUKUIT NE TILIIL Sireet ne Dutero Kanon

¹ Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

Bukuit Ne Tilil

¹ Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

BUKUIT NE TILIL

¹ Ee, Jehovah, i Kamuktaindennyu; atororin, alosu kaineng’ung’; amu kiiyai tuguk che kikwong’e, kiruogutik che bo keny, eng’ imanda ak eng’ imanit.

ISAIAH 25:1 Referencias Cruzadas

TIENWOGIKAL 111:4

Ki yai Kamuktaindet ne Toroor poisyonikyik che kikwong'ee si kibwaataat; po Kamuktaindet ne Toroor myeeindo ak ko nyiitaat rireenet.

TIENWOGIKAL 118:28

Ii Kamuktaindennyu, ak amwaun kongoi; ii Kamuktaindennyu, atoroorin.

TIENWOGIKAL 145:1

Alasun inyee, ee Kamuktaindennyu ak Laitoryannyu; ak alasu kaineng'ung' koigeny ak koigeny.

TIENWOGIKAL 146:2

Alasu Kamuktaindet ne Toroor kota asabe; atyenjini Kamuktaindennyu kalasunoik kotee asabe.

TIENWOGIKAL 31:15

Miitei peetuusyekyuk eung'ung'; sarwo eng' eunegap puunikyuk, ak eng' icheek che onwo.

TIENWOGIKAL 40:5

Ee Kamuktaindet ne Toroor Kamuktaindennyu, ki iyai poisyonik che chaang' che kikwong'ee, kabwaatutik che ibwaate agobo acheek; koma kimuuchi ketetun. Ngot ale amwaita ak ang'alaalee, ko chaang' miising' kot koma kimuuchi kiit.

TIENWOGIKAL 40:6

Mebaibaitune tiseiywot ak kagoochinet, memache kagoochinet ne kibeelei ak kagoochinet ne po tengekto; ago ki iyat itiikyuk si agasin.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 75:2

Ye kanyooru poroindo ne choboot, arwooch eng' imanda.

TIENWOGIKAL 78:4

Ma kiung'e chooto lagokwak, Kimwachini ibinda ne nyoonei kalasunoigap Kamuktaindet ne Toroor, Ak kimnateennyi, ak kwang'utikyik che ki koyai.

TIENWOGIKAL 89:1

Atyeni agobo rireenetapkei ne po Kamuktaindet ne Toroor agoi koigeny: Aboortoi eng' kutinnyu imandang'ung' eng' ibinwek tugul.

TIENWOGIKAL 98:1

Ee, otyenji Kamuktaindet ne Toroor tyendo ne leel; Amu ki koyai tuguuk che kikwong'ee: Ki yachi yetunet ineendet eunnyi ne po tai, eunnyi ne tiliil.

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

ISAIAH 11:5

Ak egu imanda pireneet ne rategei, ak koek kayaneet ne kiyani pireneet ne rategei.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 26:13

Ee Kamuktaindet ne Toroor, Kamuktaindennyo, ki koboiywech kiptainik alak; ago acheek kemwae kaineng'ung' inyee, inyegei.

ISAIAH 26:8

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

ISAIAH 28:29

Punu niito agine Kamuktaindet ne Toroor ne po lugoosyek, ne kikwong'ee kirwoogennyi, ak kogesunotkei eng' utaatyet.

ISAIAH 40:27

Amu nee si ile inyee Jakobo, ak ing'alaali, ee Israel, ile, Ung'aat ooreennyu eng' Kamuktaindet ne Toroor, ki kosiirto kirwoogennyu ama mage kiy Kamuktaindennyu?

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

ISAIAH 46:11

aguure toriityon ne amei panyeek eng' kong'asiis, aguure kirwoogindennyu kobun emet ne loo; ee, kaamwa, ak ayae kosulda; ki achop, ak ayai.

ISAIAH 49:4

Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

ISAIAH 49:5

Mwaei anyun Kamuktaindet ne Toroor ne kimimia kobooch ami moo aek otwogindennyi, si kobiit amutyi ineendet Jakobo kogeny, ak kiyumji Israel ineendet: (amu aa konyitot eng' taitap Kamuktaindet ne Toroor, ak kagoek Kamuktaindennyu kimnateennyu:)

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 7:13

Ak ki mwa Isaiah kole, “Ogas anyun, ee kootap Daudi! Tos kiit ne ming'in eng' okweek ogoochi piik kong'etyo, kot ogoochi Kamuktaindennyu kong'et agine?

JOEL 2:26

Ak oam che chaang' ak obiyong'se, ak olasu kainetap Kamuktaindet ne Toroor Kamuktaindeng'wong', ne kiyaiywok tuguuk che kikwong'ee: ak ma kolilaandos piikyuk kogeny.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”