ISAIAH 24:6 - BUKUIT NE TILIIL Sireet ne Dutero Kanon

⁶ Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

Bukuit Ne Tilil

⁶ Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

BUKUIT NE TILIL

⁶ Kigoam anyun chubisiet ng’ony, ak kigonam ng’ogisto che menyei: kigibeel bik che menyei ng’ony, ak king’et che ng’ering’.

ISAIAH 24:6 Referencias Cruzadas

2 LAITORINIK 24:12

Ki manda Jehoiakin laitoryatap Judah, kwo ole mi laitoryatap Babilon, kobooto kamennyi, otwogikyik, pounikyik ak kiptainikyik. Ki imut ineendet laitoryatap Babilon eng' kenyiitap sisiit ne po laitornatennyi.

2 LAITORINIK 25:12

Ago ki pagaakta kiptaiyatap riibiik, piik che kibananook miising' eng' emet, koek riibiigap sabibuk ak koek semberik.

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 34:5

Amu ki koee rotwennyu po chok eng' kipsengwet kot konyi, ogeero, choorchingei Edom, ak choorchingei piik che ki achup, kirwookyi.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 5:14

Mwaei anyun Kiptaiyat ne po lugoosyek ko uu ni kole, “Amu mwaei pichu ng'olyoondoni, ayae ng'aleekyuk eng' kuting'ung' koek maat, ak koek pichu kweenik, si kobeel maata icheek.

EZEKIEL 5:3

Ak inam suumeek che ng'ering', ak iratyi ngoryeeng'ung'.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

MALAKI 2:2

Ngot ko momache ogas, ak ngot ko momache ogonoree mugulelwekwok, si kobiit otoroor kainennyu, mwaei Kamuktaindet ne Toroor ne po lugoosyek, ayookwok anyun chubisyet, ak achup perurwogikwok. Ee, kaachup, amu mogonoree ng'atuutyonooto mugulelwek.

MALAKI 3:9

Kichubok eng' chubeet, amu ochoora, agot pororyoni komugul.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MALAKI 4:6

Weechei `inee mugulelwegap kwanisyek kotokyigei lagokwak, ak koweech mugulelwegap lagok kotokyigei kwanisyekwak; si ma nyo abire ng'wonyuni chubisyet.”

MATAYO 27:25

Ki wol piik tugul kole, “Ingotebenech korotiikyik ak lagokyok.”

MATAYO 7:14

Mariich kurgeet ak ko pichiy ooreet ne wendi saboon ak ng'ering' che nyooru.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

NG'ATUTIK 28:62

Si ong'etu che ng'ering' eng' che ki aechin chaang'indang'wong' ak kecheigap kipsengwet. Amu ki ma iepchi iit kutitap Kamuktaindet ne Toroor Kamuktaindeng'ung'.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.