ISAIAH 24:18 - BUKUIT NE TILIIL Sireet ne Dutero Kanon

¹⁸ Ineendet ne mwee polatetap kaiyweisyet kobutyi keriinget; ak ineendet ne togosune keriinget konamei mesteet. Amu yaatatin tirisyok eng' parak, ak potandos lumeiywegap ng'wony.

Bukuit Ne Tilil

¹⁸ Ineendet ne mwee polatetap kaiyweisyet kobutyi keriinget; ak ineendet ne togosune keriinget konamei mesteet. Amu yaatatin tirisyok eng' parak, ak potandos lumeiywegap ng'wony.

BUKUIT NE TILIL

¹⁸ Ak tun ibutyin keringet inendet ne mwee bolatetab kaiyweisiet; ak namei mestet inendet ne togosune keringet: amu yatotin tirisiok eng’ barak, ak botandos lumeiywekab ng’ony.

ISAIAH 24:18 Referencias Cruzadas

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

TAUNET 7:11

Eng' kenyiit ne ki ite Noah kenyiisyek pogol lo, eng' arawet ne po aeng', ak eng' peetuutap taman ak tisap, eng' peetuunooto anyun koyatagis kong'iik che kutune peek che po rireet ne oo ak koyatagis peek eng' kipsengwet.

2 LAITORINIK 7:2

Kowolji anyun kiptaiyat ne kitiegei eunnyi laitoryat chiitap Kamuktaindet, koleenji, “Ogeero, ngot koyai Kamuktaindet ne Toroor tirisyok eng' kipsengwet, ko tos piit kioto?” Ak ki le Elisha, “Keero, igeere eng' konyeguk, ago meame tuguuchooto.”

Kitabuutap JOB 20:24

Nga mwee `icheek kariigap lugeet, kotooree ineendet `kwangetap sugunwet kosore.

TIENWOGIKAL 18:15

Ki took anyun kereruusyegap peek, ak king'ang'agis lumeiywegap ng'wony, ye ki iger kong' inyee, ee Kamuktaindet ne Toroor, eng' cheetap kabuusetap seruneguk.

TIENWOGIKAL 18:7

Ki kirgiren ng'wony anyun ak kobotan, kitwagei lumeiywegap tuloonook, ak kotumdumgei, amu kinereech.

TIENWOGIKAL 18:8

Ki togostae iyeto seruunekyik, ak kibeelso maat ne ki mang'une kutinnyi; kilalyo nesek eng' maata.

AMDOINDET 9:12

Amu manai chiito agine peetuunnyi: uu njireenik che kinamei eng' regereiywot ne ya ak uu toriitik che kinamei eng' mesteet, kinamei ko uu nooto weeriigap piik eng' peetuut ne ya ne cheei icheek.

ISAIAH 13:13

Ayae anyun kipsengwet kobotan, ak kitumdum ng'wony koistogei eng' komostanyi, eng' nereeknatetap Kamuktaindet ne Toroor ne po lugoosyek, ak eng' peetuutap nereegekyik che ng'woneen.

ISAIAH 2:19

Ak komwechi piik kebenonik che mi rwandosyek, ak keriingonik che mi ng'wony, komwee kamuisetap Kamuktaindet ne Toroor, ak eng' toroornatetap etunatennyi, ye kang'eet kotumdum ng'wonyuni eng' kimnateet.

ISAIAH 2:21

si komwechi kebenonik, ak rwandosyek che kibetogis, komwee kamuisetap Kamuktaindet ne Toroor, ak eng' toroornatetap etunatennyi, ye kang'eet kotumdum ng'wonyuni eng' kimnateet.

ISAIAH 42:22

Ago chu ko piik che ki kiluul, ak kerebe tuguukwak; ki kiname icheek tugul keriingonik, ak keung'e korgorosyek: ki koek che kiluulei, ama mi chii ne saru; ki koek che kiluule tuguuk, ama mi chii ne leen, Oweekte.

ISAIAH 8:14

Ak koek ineendet ole-tiliil; ago egu koita ne inachi piich ak rwandet ne riichei piich eng' kooriik tuwai che po Israel, koek mesteet ak mesteet age ne teer eng' piik che menyei Jerusalem.

JEREMIA 48:43

Kabwonjin kaiyweisyet, ak keriinget, ak mesteet, ee inyee ne imenye Moab, mwaei Kamuktaindet ne Toroor.

JEREMIA 48:44

Ibutyin keriinget, ne mwee kaiyweisyet; ak konam mesteet ne togosune keriinget: ak aipchini ineendet, nooto ko Moab, kenyiit ne aityini ineendet pireet, mwaei Kamuktaindet ne Toroor.

RIREKAB JEREMIA 3:47

Kabwanjech kaiyweisyet ak pichiindo, ng'emet ak ng'emisyet.

EZEKIEL 11:8

Ki oiywei rotwetap chok; ak aibwok rotwetap chok, mwaei Kiptaiyat Kamuktaindet ne Toroor.

EZEKIEL 12:13

Aiitochini mestennyu ineendet, ak konam mestennyu ineendet: ak amut ineendet kwo Babilon emetap Kaldeik: ago ma keerei emonooto, nganda mechin olooto.

EZEKIEL 15:7

Ak auuiit togeennyu aborye icheek; mandoe maat, ago peelei maat icheek; si onai ole aa Kamuktaindet ne Toroor, ye auuiit togeennyu aborye icheek.

AMOS 5:18

Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

AMOS 5:19

ko uu ye kamwee `chiito ng'etundo, ak kotuiye magalaluut; anan ko uu chii ne kawo ko ak kotiing'e eunnyi inaat, ak kosus ereneet ineendet.