ISAIAH 24:1 - BUKUIT NE TILIIL Sireet ne Dutero Kanon

¹ Ogeero, yaei `Kamuktaindet ne Toroor ng'wony koek ole ma mi kiy ak koek surkwen, ak kogabui, ak koseer piik che menyei olooto.

Bukuit Ne Tilil

¹ Ogeero, yaei `Kamuktaindet ne Toroor ng'wony koek ole ma mi kiy ak koek surkwen, ak kogabui, ak koseer piik che menyei olooto.

BUKUIT NE TILIL

¹ Ogeero, yaei Jehovah ng’ony koek ole mami kiy, koek surkwen, ak kogabui, ak koseer bik che menyei oloto.

ISAIAH 24:1 Referencias Cruzadas

2 LAITORINIK 21:13

Aiitoi anweetap Samaria kobun Jerusalem, kobooto kiit ne kikwaise ne po kootap Ahab. Abuchi Jerusalem ko uu ye ibuchi chiito sanit, ye ibuchi ak kogabui.

NEEMIA 1:8

Asaain ale, ibwaat ng'olyoot ne ki ing'at otwogindeng'ung' Musa, ileenji, ‘Ngot obistoe aiyestook obe ye mi pororyosyek,

TIENWOGIKAL 146:9

Riibei Kamuktaindet ne Toroor toek; tiiei ne ma tinyei sigiik ak mosoget; ago igabui `inee ooreetap kiptengekyot.

ISAIAH 13:13

Ayae anyun kipsengwet kobotan, ak kitumdum ng'wony koistogei eng' komostanyi, eng' nereeknatetap Kamuktaindet ne Toroor ne po lugoosyek, ak eng' peetuutap nereegekyik che ng'woneen.

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 2:19

Ak komwechi piik kebenonik che mi rwandosyek, ak keriingonik che mi ng'wony, komwee kamuisetap Kamuktaindet ne Toroor, ak eng' toroornatetap etunatennyi, ye kang'eet kotumdum ng'wonyuni eng' kimnateet.

ISAIAH 24:19

Ki kobutok ng'wony miising', ki kobetak ng'wony miising', kigo tumdumgei ng'wony miising'.

ISAIAH 24:20

Terteryoti ng'wony ko uu chiito ne kabogit, ak keistoot kwo komosi ak komosi ko uu koot; ak konyigiisityi pistoennyi, ak kobut, ama kong'eetei kogeny.

ISAIAH 27:10

Amu mi ineegei nganaseet ne ng'ootaat, meng'ooteet ne kigeue ak kemeto, ne uu surkwen; agete yooto moita, ak koru yooto, ak koam mooriikyik.

ISAIAH 29:16

Ogabui tuguuk! Tos kiroge cheptereniot meneet? Imuuchi komwa kiit ne ki kiyaei agobo ineendet ne kiyaei, kole, “Ki ma koyaa,” anan komwa kiit ne ki kinamdos agobo ineendet ne ki inamdos, kole, “Ma tinyei ineendet kaguiyet”?

ISAIAH 29:2

Ak aiim anyun Jerusalem, ak kobiit riirek ak kateiyet, ak koigeit ineendet eng' anee Ariel.

ISAIAH 30:32

Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

ISAIAH 32:12

Luchei tegetik koriirchin mbareenik che korooron, koriirchin keetiigap sabibuk che rurtos kot.

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

ISAIAH 34:10

Ma kimisi kemoi anan peet; togostoi iyetanyi koigeny. Egu karaatya kobooch ibinda age agoi ibinda age; ma punei chii yooto koigeny ak koigeny.

ISAIAH 34:2

Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

ISAIAH 42:15

Ang'eme tuloonook ak tuloonook che mengeechen, ak ayaam sogekwak tugul; ak awal ainoosyek koek ngeguusyek, ak ateeny tamboinik.

ISAIAH 5:6

Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 40:15

Kong'alaalji anyun eng' ung'oot, Johanan weeriitap Karea Gedalia eng' Mispa, koleenji, kaigai, ichamwo awo abar Ishmael weeriitap Netania, ama naei chii: amu nee anyun si kobarin, si koyesta Yahudik tugul che ki koyumjingei, ak kobek che ki ng'et che po Judah?

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 51:34

Ki koama Nebukadresar laitoryatap Babilon, ki kotuatua, ki koyaa aek tereet ne ma mi kiy, ki kolugua ko uu maswetit, kigonyiit moennyi tuguukyuk che anyiny; ki kotoorcha saang'.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 12:20

Ak king'emei nganasook che ki menyei, ak koguber emet; si onai ole aa Kamuktaindet ne Toroor.

EZEKIEL 24:11

Yeityo igotkot teronooto komi puch eng' maata si kolal, ak kolal sugunwennyi si kochoot simdanyi ne mi oriit ak kobeel kutuukyik.

EZEKIEL 35:14

Mwaei anyun Kiptaiyat Kamuktaindet ne Toroor kole: Ye tuun paibait ng'wony komugul, ayain iguber.

EZEKIEL 5:14

Kogeny ayain iegu karaatya ak ne kiteweeri, eng' pororyosyek che mi komosweguk tugul, eng' taitap icheek tugul che siirtoi.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

EZEKIEL 6:14

Ak achuulji icheek eunnyu, ak ayai emet koguber ak koek karaatya, kobooch surkwen kotokyigei Dibla, eng' meng'otosyekwak tugul: si konai icheek kole aa Kamuktaindet ne Toroor.

EZEKIEL 6:6

King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

EZEKIEL 7:12

Kagoit peetuusyek, riigu peetuut: amat kobaibait alindet, anan koaragen aldaindet: amu miitei nereegek eng' chaang'indonywa tugul.

EZEKIEL 7:14

Kagoguut iryageet, ak kagochop tuguuk tugul; ago ma mi ne wendi pooryeet: amu mi nereegekyuk chaang'indonywa tugul.

NAHUM 1:5

Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

NAHUM 2:10

Ma mi kiy, mi puch, ki koek karaatya! Chootei muguleldo, ak piregei kutung'oik, ak komi ng'wanindo suenutik tugul, walaksei togoochigap icheek tugul.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

POISYONIGAP CHE KIYOKTOI 17:6

Ye ki mata konyoor, kochuut Jason ak tupchosyek alak koba taitap kirwoogigap nganaseet, koboldos koleen, “Pichu ko kowas emet ko kagobwa oli kogeny,

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 32:26

Ki ale, “Aiyestochini ole loo, agoochini kogeskei kabwaatennywa eng' piik.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

JAKOBO 1:1

Jakobo, otwogindetap Kamuktaindet ak ko po Kiptaiyat Jeso Kristo, asirchini ortinwek taman ak aeng' che po piik che ki koiyestat, agatok.