ISAIAH 22:12 - BUKUIT NE TILIIL Sireet ne Dutero Kanon

¹² Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

Bukuit Ne Tilil

¹² Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

BUKUIT NE TILIL

¹² Ak kiguurso eng’ betunoto Kiptaiyat, Jehovah ne bo lugosiek, si kobiit oririe, ak oteiye, ak ocheru metowek, ak olaach kuniok:

ISAIAH 22:12 Referencias Cruzadas

2 ATEPTAP PEETUUSYEK 35:25

Ak ki riir Jeremiah agobo Josiah: ak ki riirchi Josiah tyeniik tugul che murenik ak kwonyiik, eng' riirekwak agoi kora; ak ki yachi icheek kayomiset eng' Israel: ak ogeero, siraatiin eng' bukuitap riirek.

EZRAH 9:3

Ak kinga kas ng'olyoondoni, abet ngoryennyu ne po oriit ak ne po parak, ak ang'ei sumeekyuk ak atut tamnennyu yeityo atebi ng'wony akwong'.

NEEMIA 9:9

Ki igeer nyalilwogigap kwanisyekyok eng' Misiri, ak ki igas riirekwak eng' ye neegitee Araraita ne Piriir.

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

AMDOINDET 3:11

Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet.

AMDOINDET 3:4

peetuut ne ki riirtos ak peetuut ne kiroritos; peetuut ne kiteitos ak peetuut ne kiurereni;

ISAIAH 15:2

Katogosta Bayit, ak Dibon, kot koit komoswek che torooreen, koba koriir; riirchin `Moab Nebo, ak agobo Mediba. Mi pooswek metowekwak, ki ketil tamnet age tugul.

ISAIAH 26:10

Agot nda kiboorchi chameet kiptengekyot, koma ineetigei imanda kora; yaei ineendet ne ma po iman eng' emetap imanda, ama keerei telunatetap Kamuktaindet ne Toroor.

ISAIAH 29:1

Pwo eng' Jerusalem, Jerusalem, nganaseet ne ki menyei Daudi! Otes kenyiit eng' kenyiit; ingorubatkei igoorwek.

ISAIAH 3:24

Ak tuun kigeeree nyamdutik che anyiny nunateet; ak kogeeree pireneet, rogoet; ak kogeeree suumeek che iletotin, poosto; ak kogeeree angeet ne karaaran, kuniet ne kigermenegei; ak kogeeree korooronindo, saremik.

ISAIAH 32:11

Obotanse okweek kwonyiik che omuunyi; onyalilye, okweek che moriibegei; oreegu ngoroik, ak otebi aach ngor, ak ogermenegei kuniok.

ISAIAH 37:1

Ak kingo kas Laitoryat Hezekiah, kogereer ngoroikyik, ak kotugegei kuniok, ak kwo kootap Kamuktaindet ne Toroor.

ISAIAH 37:2

Ak koyookto Eliakim ne ki pou koot, ak Sebna siriindet, ak poisyegap tisiik, kotugotegei kuniok, koba ole mi Isaiah maotyot, weeriitap Amos.

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

JEREMIA 16:6

Pekyin emoni che eecheen ak che mengeechen: ma kitubei, ama iteitos piik agobo icheek, anan kotilgei, ama icheru metowekwak;

JEREMIA 16:8

Amewe kootap igoorto, otebi ak icheek, oamisye ak oee.

JEREMIA 4:8

Ogermenegei anyun kuniok amu nooto, oriirye ak oteiye; amu nereegek che ng'woneen che po Kamuktaindet ne Toroor ko tomo koistoeneigei.

JEREMIA 7:29

Ee Jerusalem, icheru suumeeguk anyun, ak iwiirte, rirate eng' tuloonook che churyotin, amu kaesyok ak ametook anee Kamuktaindet ne Toroor, okweek ibini ko kogoono nereegek.

EZEKIEL 27:31

ak kocher metowekwak amu inyee, ak kogermenegei kuniok, ak koriiryo agobo inyee eng' ng'wanindo ne po saboondo, ak eng' riirek che ng'woneen.

HOSEA 9:1

Amat ibaibaitu, ee Israel, ko uu ye poiboitu pororyosyek; amu ki iyaate kugoinatet imete Kamuktaindeng'ung', ak ki icham tuguuk che kigoigoisye eng' rwanyut age tugul.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:8

Oteeiye ko uu pergeiyat ne iyuegei kuniet agobo manong'otyotap ming'inatennyi.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

JOEL 2:17

Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

AMOS 8:10

Awale igoorwekwok koek riirek, ak awal tyenwogikwok tugul koek kateiyet; agoochini piik tugul kogermenegei kuniok, ak koam poosto chii tugul; ayae nooto koek che kiriirchin weeriit ne ki kiii ineegei, ak ayae kagesunennyi koek peetuut ne ng'waan.”

JONAH 3:6

Ye kingo it ng'aleek kaplaitoryatap Nineveh, kong'eet eng' ng'echerennyi ne po laitornatet, koreek ngoryennyi, kotugegei kuniok, ak kotebee oreek.

MIKAH 1:16

Ingochurin met, ak icheru meting'ung' agobo lagok che iboiboin: tes poostong'ung' si koigei ne po chepsengwet; amu kageluul icheek eng' ole imi.

JAKOBO 5:1

Ogas anyun, okweek mogoreek, oriirye ak oteeiye amu nyalwogikwok che pwonjinok.