ISAIAH 2:3 - BUKUIT NE TILIIL Sireet ne Dutero Kanon

³ Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

Bukuit Ne Tilil

³ Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

BUKUIT NE TILIL

³ Ak tun itendenjin oloto bik che chang’ kolen, Obwa, kebe ketogoste tulwetab Jehovah, agoi gotab Kamuktaindetab Jakobo; si konetech ortinwekyik, si kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

ISAIAH 2:3 Referencias Cruzadas

TIENWOGIKAL 102:23

Ki yai kimnateennyu konyalul eng' ooreet; kitil peetuusyekyuk konwagitu.

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 119:171

Ingotwek kutinnyu komwa kalasunet; amu ineeta ng'atuutiguk.

TIENWOGIKAL 122:1

Ki abaibaitu ye kimwaiwo icheek kole, “Ongebe kootap Kamuktaindet ne Toroor.”

TIENWOGIKAL 48:1

Oo Kamuktaindet ne Toroor, ak kanyool kilas miising' eng' nganaseennyi ak eng' tulweennyi ne tiliil.

ISAIAH 1:26

Aweegu kirwoogiguk ko uu eng' tai, ak aweegu kotigoniguk ko uu eng' tai. Ye ibata nooto keguurenen Nganaseetap Imanda, nganaseet ne kiyani.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 28:9

“Ineeti ng'oo ineendet naet? Ak ng'oo ne igoochin koguiyo ng'aleek? Icheek che kigeluge, che kigeete kochuchun?

ISAIAH 44:5

Mwaei age kole, aa po Kamuktaindet ne Toroor; ak koguuregei age kainetap Jakobo; ak kosirchi age eunnyi kainetap Kamuktaindet ne Toroor; ak komwaitoegei kainetap Israel.

ISAIAH 56:5

kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 60:3

Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

ISAIAH 65:11

Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

MATAYO 7:24

Nooto anyun age tugul ne kasei ng'aleechuchuk ak koyai, kiyanie chiito ne utaat ne ki teech koonnyi rwandet parak:

LUKA 11:28

Ago ki le ineendet, “Iberuurotin kosiir che kasei ng'olyootap Kamuktaindet, ak koriip.”

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

JOHANA 4:22

Osae ne mongen: kisaae acheek ne kingen: amu punu yetunet Yahudik.

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 10:33

Ki ayoogu anyun piik eng' sainooto kobwa ole imi; ak kaiyai ne myee amu kainyo. Ki mi anyun yu nguno acheek tugul eng' taitap Kamuktaindet, si kegas tuguuk tugul che king'atin Kiptaiyat.”

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

NG'ATUTIK 33:19

Kuurei icheek pororyosyek kobwa tulweet, si kogoito eng' olooto tiseiywek che po imanda. Amu chuchuni icheek chaang'indap nyanjosyek, ak konoraik che ung'ootiin che po ng'aniek.”

NG'ATUTIK 6:1

Ni anyun ng'atuutyet, kaneetisyosyek ak kirwoogutik che ki ng'at Kamuktaindet ne Toroor Kamuktaindeng'wong' kineetak, si kobiit oyai ng'atuutichu eng' emet ne olang'jini oname kobunjook,

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.