ISAIAH 19:24 - BUKUIT NE TILIIL Sireet ne Dutero Kanon

²⁴ Egu ne po somok Israel eng' peetuunooto, kobooto Misiri ak Assyria, koek kaberuret eng' ng'wony.

Bukuit Ne Tilil

²⁴ Egu ne po somok Israel eng' peetuunooto, kobooto Misiri ak Assyria, koek kaberuret eng' ng'wony.

BUKUIT NE TILIL

²⁴ Tun egu ne bo somok Israel eng’ betunoto, koboto Misri ak koboto Asuria, koek kaberuret eng’ ng’ony:

ISAIAH 19:24 Referencias Cruzadas

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 19:25

Amu tuun iberuur Kamuktaindet ne Toroor ne po lugoosyek icheek, koleen, iberuurotin piikyuk Misiri ak Assyria poisyetap eunekyuk, ak Israel porotennyu.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 49:22

Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

ISAIAH 65:22

Ma teeksei icheek, si konyo komeny age; ama minsei icheek, si konyo koam age: amu igeitu peetuusyegap keetit peetuusyegap piikyuk, ak koboiboitune chechuuk che ki alewen, poisyonigap eunekwak.

ISAIAH 65:8

Mwaei Kamuktaindet ne Toroor kole, ko uu ye kinyoorchin divaik che leelach logoek che irurugotin eng' temeet, ak kole age, Ameng'em, amu mi kaberuret tuguuchooto: ayae anyun ko uu nooto agobo otwogikyuk, si ma ng'em icheek tugul.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

EZEKIEL 34:26

Ak ayai icheek koek kaberuret kobooto komoswek ole neegitee tulweennyu; ak ang'at ropta koroobon eng' peetuusyekyik; ak kobiit roptap kaberuret.

SEKARIA 8:13

Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

ROMANIK 15:27

Ee, kigocham icheek miising' ng'olyoondoniito; ak icheek ko pesenikwak. Amu ngo ki keyai Pororyosyek koek yamdoik che po tuguuk che po saboon, ko kanyool ak icheek koyaakta eng' poisyet ne poisyechin eng' tuguuk che po poorto.

GALATYEK 3:14

si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”