ISAIAH 19:21 - BUKUIT NE TILIIL Sireet ne Dutero Kanon

²¹ Ak konaak Kamuktaindet ne Toroor eng' Misiri, ak konai `Misiriik Kamuktaindet ne Toroor eng' peetuunooto. Ilasune icheek koroseek ak kagoochinoik, ak koarorchi Kamuktaindet ne Toroor kaarorunet, ak koyai kosulda.

Bukuit Ne Tilil

²¹ Ak konaak Kamuktaindet ne Toroor eng' Misiri, ak konai `Misiriik Kamuktaindet ne Toroor eng' peetuunooto. Ilasune icheek koroseek ak kagoochinoik, ak koarorchi Kamuktaindet ne Toroor kaarorunet, ak koyai kosulda.

BUKUIT NE TILIL

²¹ Ak konaak Jehovah eng’ Misri, ak konai Misrik Jehovah eng’ betunoto; ee, ilosune ichek korosek ak kagochinoik, ak koarorji Jehovah kaarorunet, ak koyai kosulda.

ISAIAH 19:21 Referencias Cruzadas

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

TIENWOGIKAL 61:8

Si atyenji kaineng'ung' kalasunet koigeny, si kobiit agoito peetuut age tugul che ki aaroorte.

TIENWOGIKAL 67:2

si konaak oreng'ung' eng' ng'wony, ak yetuneng'ung' eng' pororyosyek tugul.

TIENWOGIKAL 68:31

Tuun mang'une pounik Misiri; Iyogoochin Kush eunekyik Kamuktaindet kochokyin.

TIENWOGIKAL 68:32

Otyenji Kamuktaindet, okweek laitornatosyegap ng'wony; Otyenji Kiptaiyat kalasunoik;

AMDOINDET 5:4

Ye iyasye, ko mat igaegei amu ma paibaitune ineendet che perberen. Igoite anyun ne keyasye.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

ISAIAH 44:5

Mwaei age kole, aa po Kamuktaindet ne Toroor; ak koguuregei age kainetap Jakobo; ak kosirchi age eunnyi kainetap Kamuktaindet ne Toroor; ak komwaitoegei kainetap Israel.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 55:5

Keero, iguure pororyet ne mengen, ak kolabatyin pororyet ne ki ma kongenin, amu Kamuktaindet ne Toroor Kamuktaindeng'ung', ak amu Ineendet ne Tiliil ne po Israel; amu ki kotoroorin.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 60:7

Kiyumjinin akwotisyek tugul che po keechiiregap Kedar, koboisyeun mengichigap Nebaiot: pwoonei amu taachaksei eng' kaptisisyennyu, ak atoroori kootap toroornatennyu.

ISAIAH 66:23

Ak tuun pwoonei piik tugul koloswa eng' tainnyu kobooch ye kaleel arawet agoi koleel age, ak kobooch sabato age agoi sabato age, mwaei Kamuktaindet ne Toroor.

JONAH 1:16

Koiywei anyun pichooto Kamuktaindet ne Toroor miising', ak koeng'ji Kamuktaindet ne Toroor tiseiywot ak koyasyo.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

SEPANIA 3:10

Tuun ibwo kagoochinennyu piikyuk che saa, cheptap piikyuk che ki koyesta, kobunu pitoniin eng' ainoosyegap Kush.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 SAMUEL 17:46

Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.