ISAIAH 14:1 - BUKUIT NE TILIIL Sireet ne Dutero Kanon

¹ Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

Bukuit Ne Tilil

¹ Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

BUKUIT NE TILIL

¹ Amu rire Jehovah Jakobo, ak ta koleweni Israel, ak konde ichek emenywa: ak konamgei toondet agichek, ak konamgei ak gotab Jakobo.

ISAIAH 14:1 Referencias Cruzadas

TIENWOGIKAL 102:13

Ing'eete ak iriiree Zion, amu kagoyam keriree, ee, kagoit peetuut ne ki kichopchi.

TIENWOGIKAL 102:14

Amu poiboitu kiboitiniguk eng' koikyik, ak ko riiree temburyekyik.

TIENWOGIKAL 143:12

Ak ing'eti puunikyuk eng' chamyeng'ung' ne tala, ak ing'em icheek tugul che inyalili saboondanyu; amu aa kiboityondeng'ung'.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

ISAIAH 19:18

Tuun piitu eng' peetuunooto nganasook muutu eng' emetap Misiri che ng'alaali kutitap Kanaanik, ak koyasyechi kobunji che po iman eng' Kamuktaindet ne Toroor ne po lugoosyek. Tuun kiguure age eng' chooto Nganaseetap ng'emisyet.

ISAIAH 21:1

Maonateet agobo ong'ateet ne po nyanjet. Ko uu ye ibuksei kipchurchuryet ne punu murot tai, kobunu kapookyinindet ko uu nooto surkwen, punu emetap kamuiset.

ISAIAH 27:6

Kimitu Jakobo eng' peetuusyek che pwoonei; piitei Israel ak kong'at, ak konyiit ng'wony logoek.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 41:9

inyee ne ki anamin kobooch ole poochin ng'wony, ak aguurin imang'une luukwekyik, ak aleenjin, ii otwogindennyu, ki alewenin ama atimdoin;

ISAIAH 44:1

Kas anyun nguno, ee otwogindennyu Jakobo; ak Israel ne ki alewen:

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 47:1

Choruge ak itebee temburyek, ee inyee ne ii chepto ne pergeiyat ne po Babilon; tebee ng'wony, ye ma mi ng'echereetap laitornatet, ee cheptap Kaldeik: amu ma keguurenen kogeny ne cheptalbisyo ak ko ng'arng'ar.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 54:3

Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 56:3

Amechamji toondet ne ki konamgei ak Kamuktaindet ne Toroor, kong'alaal kole, Itabaanena `Kamuktaindet ne Toroor piikyik: amechamji sirorto komwa kole, keero, aa keetit ne yaamaat.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 16:15

ago, kileen, Ko uu ye sabei Kamuktaindet ne Toroor, ne ki imut piigap Israel eng' emetap murot kaataam, ak eng' emotinwek tugul che kiga koonji icheek: ak amutu icheek kogeny kobwa emennywa ne ki agoochi kwanisyekwak.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:8

Ak tuun airie eng' peetuunooto choginnyi ne mi kaating'ung', mwaei Kamuktaindet ne Toroor ne po lugoosyek, ak ang'etii anooguk; ama koyaei toek ineendet koek otwogindennywa.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 50:33

Mwaei Kamuktaindet ne Toroor ne po lugoosyek kole: Kiusei piigap Israel kobooto lagogap Judah: ak kogiich piik tugul che kiluulei icheek; eesyoi kochunda icheek koba.

JEREMIA 51:51

Kililandosi, amu kigegas chotisyet; ki kotuch togoochikyok kalilanet; amu kagobwa toek komoswek che tiliileen che po kootap Kamuktaindet ne Toroor.

EZEKIEL 16:60

Nganda uu nooto, abwaati kayomiset ne ki kiyomiske ak inyee eng' peetuusyegap ming'inateng'ung', ak agimiitun kayomiset ne po koigeny.

EZEKIEL 47:22

Opchei anyun eng' seretap parbareek koek poroteng'wong' kobooto toek che kitebee kwenung'wong', che sichei lagok eng' kwenung'wong'; ak koek icheek eng' okweek lagok che ki kisikyin kaa eng' kwenutap piigap Israel; nyooru poroteet kobootok eng' kwenutap ortinwegap Israel.

SEKARIA 1:17

Itechi kogeny ileenji, “Mwaei Kamuktaindet ne Toroor ne po lugoosyek kole: ‘Kibaroi nganasookyuk eng' kaberuret; ak ta kogoigoi Kamuktaindet ne Toroor Zion ak ta koleweni Jerusalem.’ ”

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

LUKA 1:54

Kagotoret otwogindennyi Israel, si kobwaat rireenetapkei,

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”