ISAIAH 13:9 - BUKUIT NE TILIIL Sireet ne Dutero Kanon

⁹ Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

Bukuit Ne Tilil

⁹ Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

BUKUIT NE TILIL

⁹ Ogeero, nyonei betutab Jehovah, ne korom, koboto nereknatet ak neregek che ng’wonen; si kobiit koyai emet koguber, ak kong’em kiptengeginik koges eng’ yoto.

ISAIAH 13:9 Referencias Cruzadas

TIENWOGIKAL 104:35

Ingiwong' kiptengeginik eng' ng'wony, ak ingobetyo che yaacheen agoi. Ilasu Kamuktaindet ne Toroor, ee saboondanyu. Olasu Kamuktaindet ne Toroor!

KALEWANAIK 2:22

Ago ki istoi piik che yaacheen eng' emet, ak kitutu eng' emet che yaei kaberberisyet.

ISAIAH 13:6

Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 34:8

Amu peetuutap Kamuktaindet ne Toroor ne po yaaktaetap mugetuut, kenyiitap kageeret ne po toiyetap Zion.

ISAIAH 63:4

Amu kimi muguleldanyu peetuutap yaaktaetap mugetuut, ak kagoit kenyiitap chechuuk che kityaachi.

ISAIAH 66:17

Mwaei Kamuktaindet ne Toroor kole, igesugei icheek tugul che ianyinyegei ak kotiliilegei si koba mbareenik, kosubotkei ak koamei panyeegap toorook, ak che kiwechei, ak mureek.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

EZEKIEL 13:5

Ma otogoste obe ole ki kobutok, ama ong'ot kootap Israel, si kobiit kotonon eng' pooryeet eng' peetuutap Kamuktaindet ne Toroor.

EZEKIEL 30:3

Amu kagoriik peetuunooto, kagoriik peetuutap Kamuktaindet ne Toroor, peetuutap tulugenet; peetuusyegap pororyosyek.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 2:1

Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

NAHUM 1:8

Ak eng' maraneet ne oo, ko igeesu komosato, ak koon puunikyik koba mesundeito.

SEPANIA 1:15

Egu peetuunooto peetuutap nereegek, peetuutap nyalilda ak ng'wanindo, peetuutap kubernateet ak ng'emisyet, peetuutap imeenindo ak mesundeito, peetuutap poolik ak imeenindo ne oo.

SEKARIA 14:1

Ogeero, nyoonei peetuutap Kamuktaindet ne Toroor, ye tuun kipcheei paruneniguk eng' kwenung'ung'.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

NG'ANG'UTYET 18:8

Nooto anyun itu korotwekyik eng' peetuunak, meet, riirek, ak rubeet; ak kebeel ineendet eng' maat kogeskei; amu kiim Kiptaiyat Kamuktaindet ne ki irwookyi ineendet.”