ISAIAH 13:11 - BUKUIT NE TILIIL Sireet ne Dutero Kanon

¹¹ Ak abir ng'wony amu yaityennyi, ak abir kiptengeginik amu tengektonywa; ak awong'u menoteetap che mendos, ak anyeroti menoteetap che imuisei.

Bukuit Ne Tilil

¹¹ Ak abir ng'wony amu yaityennyi, ak abir kiptengeginik amu tengektonywa; ak awong'u menoteetap che mendos, ak anyeroti menoteetap che imuisei.

BUKUIT NE TILIL

¹¹ Ak abir ng’ony amu yaitiennyi, ak abir kiptengeginik amu tengektanywa; ak awong’u menotetab che mendos, ak anyeroti menotetab che imuisei.

ISAIAH 13:11 Referencias Cruzadas

Kitabuutap JOB 40:12

Keer age tugul ne meenei ak iming'iin, ak ityekyi ng'wony kiptengeginik eng' ole tononee.

KALEWANAIK 11:31

Ngot kigeerchin ne po iman eng' ng'wony, kotam nee anyun chiito ne ya ak ko kiptengekyot!

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 14:21

Ochopchi lagokyik parisyet amu ng'oogistap kwanisyekwak; si mang'eetyo ak konam ng'wony kobunji, ak konyiit nganasook ng'wonyuni.

ISAIAH 14:5

Kigoiri Kamuktaindet ne Toroor kirokta kiptengeginik, kirokto ne po pounik,

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

ISAIAH 22:14

Ki ng'aang'jigei Kamuktaindet ne Toroor ne po lugoosyek itiikyuk koleen: “Ma kitiliilok iman eng' yaityoni kot obegu,” mwaei Kiptaiyat, Kamuktaindet ne po lugoosyek.

ISAIAH 23:9

Ki kochop nooto Kamuktaindet ne Toroor ne po lugoosyek, si kobiit komurwon menoteet tugul ne po toroornatet, ak koteweer piik tugul che konyitotiin che po ng'wony.

ISAIAH 24:21

Ak tuun pirei Kamuktaindet ne Toroor eng' peetuunooto eng' parak lugeetap icheeget che torooreen, ak kobir laitorinigap ng'wony eng' ng'wony.

ISAIAH 25:3

Konyitin anyun piik che kiimeen, iywein nganaseet ne po pororyosyek che imuisei.

ISAIAH 25:5

Iming'ini polatetap toek ko uu kiptoret eng' ole yaamaat; kinyeroti tyendap che imuisei ko uu kiptoret eng' tulugenet.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 29:20

Amu kiyaei ineendet ne imuisei koek puch, ak kosiis sasindet, ak keisto piik tugul che igeni yaityet;

ISAIAH 29:5

Ago kergeitu chaang'indap puuniguk ak ng'ung'unyek che pusbus, ak kogergeit chaang'indap che imuisei ak meteteek che arureni. Piitu, ee eng' cheiset,

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 5:15

Kinyeroti chiito ne nyeraat, ak kiming'ini chiito ne oo, ak ki abuchi konyegap icheeget che ieetegei.

ISAIAH 65:7

tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

JEREMIA 48:29

Kigegas menoteetap Moab, keele, menot miising'; kaetetapkei, ak menatennyi, ak kachaunennyi pogei, ak losennyi pogei.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.