ISAIAH 12:1 - BUKUIT NE TILIIL Sireet ne Dutero Kanon

¹ Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

Bukuit Ne Tilil

¹ Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

BUKUIT NE TILIL

¹ Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

ISAIAH 12:1 Referencias Cruzadas

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

Kitabuutap JOB 11:16

Iutye nyalildang'ung', ibwaati ko uu peek che ki kosiirto.

Kitabuutap JOB 13:16

Egu niito agine yetunennyu; amu ma nyoonei tainnyi chiito ne ya.

TIENWOGIKAL 30:5

Tebyei nereegekyik ne matya; ichuldos chametap Kamuktaindet ne Toroor eng' sabeetap chii. Mi riirek kemout, ago piitu poiboiyet karon.

TIENWOGIKAL 71:21

Tes etunatennyu, Ak iweeige kogeny igaigaa.

TIENWOGIKAL 85:4

Weekyeige, Kamuktaindetap yetunennyo. Ak ingosiisyo nereegeguk che tokyineigei.

TIENWOGIKAL 86:17

Yaiywo kaboorunet ne po myeeindo: Si kogeer che wecho ak kolilaanso, Amu kaitoreta, inyee Kamuktaindet ne Toroor, ak kaigaigaa.

TIENWOGIKAL 9:1

Aweekyini Kamuktaindet ne Toroor kongoi eng' muguleldanyu tugul; aboortoi kwang'utiguk tugul.

ISAIAH 10:25

Amu ta komi kitigin miising', si kosulda nereegek, nereegekyuk eng' ng'emisyennywa.

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 14:3

Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin,

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 54:7

Ki abagaakteen ne matya; ago ayumin eng' rireenet ne oo.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 54:9

Amu uu niito eng' anee peegap Noa: amu ko uu ye ki ayosye ale ma komarane emet peegap Noa kogeny, kayosye ko uu nooto ale ma nereekyinin kogeny, anan agerin kong'.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 64:5

Otuitosi ak ineendet ne paibai ak koyaei imanda, icheeget che ibwaatin eng' ortinweguk: keero, ki inereech, ak ki kiyai tengekto: ki keyai chooto peetuusyek che chaang', ak tos kisarwech?

ISAIAH 65:18

Ago ogaaskei ak oboiboitu agoi agobo kiit ne atau ayae: amu atau ayae Jerusalem koek ne kiboiboitune, ak koek piikyik poiboiyet.

ISAIAH 66:13

Agoigook ko uu ineendet ne igoigoi kamet; ak kigaigaak eng' Jerusalem.

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

SEKARIA 1:16

Ko uu nooto mwaei Kamuktaindet ne Toroor ne po lugoosyek kole kaaweekyigei Jerusalem ariiree; ki teekyin koonnyu nganasanooto, ak kechuul porowet ne kikwaise eng' Jerusalem.’ ”

SEKARIA 14:20

Tuun kisirchin eng' peetuunooto cheptingiloogap paraisisyek kole, “Tiliil eng' Kamuktaindet ne Toroor.” Ak igeitu tereenik che mi kootap Kamuktaindet ne Toroor taabook che mi taitap kaptisisyet.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

SEKARIA 8:11

Ago nguno koma ayachini ichu ki ng'et ko uu eng' peetuusyek che po tai, mwaei Kamuktaindet ne Toroor ne po lugoosyek.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

ROMANIK 11:15

Amu ngo toortaennywa ko katuiyetap, ko tos nee anyun taagetap icheek, kobatee saboondo ne mang'une che ki pek?