ISAIAH 10:6 - BUKUIT NE TILIIL Sireet ne Dutero Kanon

⁶ Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

Bukuit Ne Tilil

⁶ Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

BUKUIT NE TILIL

⁶ Ayoktoi kobargei ak bororiet ne ya, ak agochini kobargei ak bik che anerekyini, si koluul ak koib barunenik, ak ketiech ichek, ko u ye kitiechi ng’atatek eng’ oret.

ISAIAH 10:6 Referencias Cruzadas

2 SAMUEL 22:43

Ki atonaton anyun icheek komengegitu koigei temburyegap ng'wony, ki atyech ko uu ng'atateek che mi ortinwek ak aiyeste.

2 LAITORINIK 18:25

Ara anyun, kanyo koma kimi ak Kamuktaindet ne Toroor anyo abar oli, ang'em? Koleenjo Kamuktaindet ne Toroor, “Togoste par emoni, ak ing'em.”

ISAIAH 19:17

Ak koek emetap Judah kamuiset eng' Misiri, ak iyweisyei age tugul ne kemwachin agobo nooto, amu chobetap Kamuktaindet ne Toroor ne po lugoosyek, ne ki chop kogirinda emonooto.

ISAIAH 22:5

Amu punu Kiptaiyat Kamuktaindet ne Toroor ne po lugoosyek peetuutap nyalilda ni, ne po tyeget ak ne po kaimetapkei eng' atebweetap ng'ang'utyet, peetuutap putetap irimoik, ak riirek che ki riirchin tuloonook.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

ISAIAH 29:13

Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 33:1

Pwo eng' inyee ne ing'emisyei, ama king'emin; ak ne iberberisyei, ama iberberin icheek! Ye ma ing'emisyei, keng'emin, ak ye ma iberberisyei, koberberin icheek.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

ISAIAH 41:25

Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

ISAIAH 49:17

Igirgiri lagoguk; mandaenen ng'emiguk, che yain iguber.

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

ISAIAH 5:29

Uu porisenennywa ne po ng'etundo, porisendos ko uu parnotigap ng'etuunyik; porisendos ak konam chooto kagonam, ak komut kochamegei, ama piitu chii ne saru.

ISAIAH 5:5

“Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

ISAIAH 63:3

Ki atyech aneege sabibuk eng' ole kitue; ak ki ma komi chii kobooto eng' pichooto; ee, ki atyech eng' nereegekyuk, atyechatyech eng' nereegekyuk che laldos; ak koisegei ngoroikyuk korotiikwak che saptos, ak ki amurwon ngoroikyuk tugul.

ISAIAH 63:6

Ak ki atyech piik eng' nereegekyuk, ak ki agoochi kobogityo eng' nereegekyuk che ng'woneen, ak ki atumji ng'wony korotiikwak che saptos.

ISAIAH 7:17

Ibun Kamuktaindet ne Toroor, kobooto piiguk, ak kootap kwandang'ung', peetuusyek che tomo kobiit, kobooch peetuut ne ki istoegei `Ephraim Judah; nooto laitoryatap Assyria.”

ISAIAH 8:4

Amu kotom komuuch lakwanooto kotwek kole, ‘Abba’ anan ‘Eiyo,’ koluulei laitoryatap Assyria mogornatosyegap Damasko ak parunenigap Samaria.”

ISAIAH 8:8

ak kobokto kwo Judah, ak koyom kosiir olooto, nyiei kot koit kaatit; ak konyiiei kaiitoetap kebebaikyik tebeesindap emeng'ung', ee Immanuel.”

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

EZEKIEL 29:20

Kaagoochi ineendet emetap Misiri koek melektanyi amu poisyennyi, amu kiboisyeiwo, mwaei Kiptaiyat Kamuktaindet ne Toroor.

EZEKIEL 38:12

si kobiit aluul ak aip parunenik; si kobiit ibar komoswek che ki karatwek che ki menyei nguno, ak obargei ak piik che ki kiyum komang'une pororyosyek, che tinyei tuuga ak tuguuk, che menyei emet kween.

EZEKIEL 38:13

Teebenen Sheba, ak Dedan, ak chemung'arainigap Tarsis, kobooto ng'etunikyik tugul che neranik, koleenjinin, Tos kenyo iluul? Tos kaiyum lugosyeguk si kobiit iip parunenik? Si kobiit iip fedha ak thahabu, ak ikweri tuuga ak iip tuguuk, iluul luuleet ne oo?

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

SEKARIA 10:5

Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

MATAYO 15:7

Okweek chombilik! Ki maoten Isaiah komyee agobo okweek ye ki mwa kole,