ISAIAH 10:3 - BUKUIT NE TILIIL Sireet ne Dutero Kanon

³ Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

Bukuit Ne Tilil

³ Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

BUKUIT NE TILIL

³ Ak oyae nee eng’ betut ne ityinok bireng’wong’, ak eng’ ng’emisiet ne bunu ole loo? Omwechini ng’o kotoretok? Ak ondoi ano torornateng’wong’?

ISAIAH 10:3 Referencias Cruzadas

TAUNET 31:1

Ki kas anyun Jakobo kong'alaaldos weeriigap Laban koleen, “Ki kokweri Jakobo tugul che po kwandanyo; ak ki konyoor mogornatoni tee ni eng' tuguugap kwandanyo.”

2 LAITORINIK 7:15

Ki isup agoi koit Jordan, ki nyiitaat ooreet ngoroik ak tereenik, che ki wiirtooti piigap Syria korwaei. Ak ki week pichooto kiga kiyookto komwachi laitoryat.

Kitabuutap JOB 31:14

Ko tos ayaei nee anyun ye kang'eet Kamuktaindet? Ak ye nyo koteepso, awoljini nee?

KALEWANAIK 11:4

Ma tilei kiy mogornatosyek eng' peetuutap nereegek, ago saruunisyei imanda eng' meet.

ISAIAH 13:6

Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

ISAIAH 17:4

Nyerotitu toroornatetap Jakobo eng' peetuunooto, ak kosagit poortanyi.

ISAIAH 20:6

Eng' peetuunooto ko tuun mwaei che menyei emoni po ngeguut, kole, “Ogeero, kamang'unennyo niito, ne ki kimwechi agobo toreteet si kobiit kesarwech eng' laitoryatap Assyria! Ak acheek anyun, kechilildoi ano?”

ISAIAH 26:14

Ki kobek icheek, ma kosaptos; ki kobek, ma kong'eetos. Ki inyonji anyun ak ing'em icheek, ak ki igoochi kolus kabwaatet age tugul agobo icheek.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 28:20

Amu nwagitu itoogut kosiir ne imuuchi koiitoegei chiito; ak kotendenit kiit ne ketugegei kot kosiir ne yamei kotugegei chiito.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 30:16

ak ki omwa ole, “Achicha! Ki mwee paraisisyek;” ko uu nooto omweei anyun; ak ki ole, “Kilaanye che chepchep;” chepchebitu anyun ak icheek che onok.

ISAIAH 30:5

Ililandos tugul agobo piik che ma imuuchi konyoorunee kiy, che ma toreteet, anan ko kelunet, ago egu kalilanet ak chotisyet.

ISAIAH 30:7

Amu puch toretetap Misiri, ma tilei kiy, ki aguure anyun ineendet Rahab ne tebyei kosiisei.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

ISAIAH 39:3

Ki nyo anyun `maotyot Isaiah kaplaitoryat Hezekiah, ak koteebe koleenji, kale nee pichu? Kobunu ano kobwanei oling'ung'? Ak ki le Hezekiah, Kabwa olinnyu kobunu emet ne loo, emetap Babilon.

ISAIAH 5:14

Nooto anyun, ki kobarait ye mi che ki kobek, ak kigoseng'eng' ne ma aechin ak kiy; choorchingei olooto che teegisootin che po Jerusalem ak chaang'indonywa, ak kogeny choorchingei olooto etunatennywa kobooto ineendet ne igasegei eng' kwenunnywa.

ISAIAH 5:26

Ak konamji ineendet parak songolyet koboorchi pororyo ne loo, ak koititenji icheek kobwa eng' ole poochin ng'wony, ak kobwa korwou, kochogu.

JEREMIA 22:7

Ak achop ng'emiik agobo inyee, chii tugul ak kariikyik: ak koluul icheek taragoniguk che korooron ak kowiirchi ma.

JEREMIA 4:30

Ak inyee, ne kigeng'emin, iyae nee? Amu nee si ilaachi ngoroik che piriireen? Amu nee si ilelesanegei tuguuk che po thahabu? Agot ngibaraae konyeguk saleiywek, ko puch korooronindo ne iyachinigei. Sasin chamaniguk, cheeng'ei saboondang'ung'.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

JEREMIA 9:9

Tos manyone abire icheek agobo tuguuchu? Mwaei Kamuktaindet ne Toroor. Tos mayaaktachinigei mugetuut eng' pororyet ne uu ni?

HOSEA 5:13

Kingo keer Ephraim myandanyi, ak kogeer Judah mookyik, ko ki wo anyun Ephraim Assyria, ak koyookto keguur laitoryat Jareb. Ago ma imuuchi kosoobok, amainyaiywok mookwok.

HOSEA 9:5

Tos oyae nee eng' peetuutap tuiyet ne ki king'at, ak eng' peetuutap igoortap Kamuktaindet ne Toroor?

HOSEA 9:7

Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

AMOS 5:19

ko uu ye kamwee `chiito ng'etundo, ak kotuiye magalaluut; anan ko uu chii ne kawo ko ak kotiing'e eunnyi inaat, ak kosus ereneet ineendet.

MIKAH 7:4

Ne myee eng' icheek ko uu kateet ne rutei piich: ne litit miising' eng' icheek ko ya kosiir ng'ootweetap katook: kagoit peetuutap riibiguk, peetuut ne kiityinin pireet; egu anyun kaiimennywa pogei.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

LUKA 19:44

ak kowiirchin ng'wony, ak lagoguk che mi oriing'ung'; ama pagaagun agot koita agenge ne mi paragutap age; amu ki ma inai peetuutap rutochineng'ung'.

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.