ISAIAH 10:26 - BUKUIT NE TILIIL Sireet ne Dutero Kanon

²⁶ Ak kong'eetyi Kamuktaindet ne Toroor ne po lugoosyek ineendet pireet, ko uu parisyetap Midianik eng' rwandetap Oreb. Tuun pou kiroktonyi nyanjet, ak konamji parak ko uu piteetap Misiri.

Bukuit Ne Tilil

²⁶ Ak kong'eetyi Kamuktaindet ne Toroor ne po lugoosyek ineendet pireet, ko uu parisyetap Midianik eng' rwandetap Oreb. Tuun pou kiroktonyi nyanjet, ak konamji parak ko uu piteetap Misiri.

BUKUIT NE TILIL

²⁶ Ak kong’eetyi Jehovah ne bo lugosiek inendet biret, ko u barisietab Midianik eng’ ruandetab Oreb: ak tun bou kiroktanyi nyanjet, ak konamji barak ko u biteetab Misri.

ISAIAH 10:26 Referencias Cruzadas

2 LAITORINIK 19:35

Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

TIENWOGIKAL 35:23

Ng'eet, keer si irwooksewa, agobo ng'aleekyuk, inyee Kamuktaindennyu ak ko Kiptaiyandennyu.

TIENWOGIKAL 83:11

Yachi piikwak che taagunotiin kogergeit ak Oreb ak Seeb; Ee, yachi pounikwak tugul kogergeit ak Seba ak Salmuna:

KOMONG'U 14:16

Namji parak kiroktong'ung' ak ichuul eung'ung' itokyi nyanjet, si kopcheak kobun aeng' ak kobun piigap Israel kwenutap nyanjet, ng'wonyut ole yaamaat.

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 30:31

Amu kitonatoni piigap Syria eng' tweguunetap Kamuktaindet ne Toroor, ne pirei eng' kirokto.

ISAIAH 30:32

Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

ISAIAH 9:3

Ki ites pororyet, ki ites poiboiyennywa; poiboitu icheek eng' taing'ung' ko uu poiboiyet ne po kesisyet, ko uu piik che poiboitu ye pchei parunenik.

ISAIAH 9:4

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

KIRUOGIK 7:25

Ki nam `icheek pounik aeng' che po Midian, Oreb ak Seeb. Ak ki par Oreb eng' rwandetap Oreb, ak kobarchi Seeb ole kitue sabibuk eng' Seeb, ak ko oon Midianik. Ak ki ip `icheek metitap Oreb ak ne po Seeb koipchi Gideon eng' Jordan pitoniin.