ISAIAH 10:13 - BUKUIT NE TILIIL Sireet ne Dutero Kanon

¹³ Amu ki komwa kole, “Ki ayai niito eng' kimnateetap eunnyu, ak eng' utaatyennyu, amu aguitosi; ki aiste kiwotosyegap pororyosyek, ak ki arebee konoraikwak, ak ki aming'in icheek che tebee ng'echerogap laitornatet, ko uu chiito ne nyigan.

Bukuit Ne Tilil

¹³ Amu ki komwa kole, “Ki ayai niito eng' kimnateetap eunnyu, ak eng' utaatyennyu, amu aguitosi; ki aiste kiwotosyegap pororyosyek, ak ki arebee konoraikwak, ak ki aming'in icheek che tebee ng'echerogap laitornatet, ko uu chiito ne nyigan.

BUKUIT NE TILIL

¹³ Amu kigomwa kole, Kiayai nito eng’ kimnatetab eunnyu, ak eng’ ng’omnatennyu; amu a ng’om; ak kiaiste kiwotosiekab bororiosiek, ak kiarebe konoraikwak, ak kiaming’in ichek che tebe ng’echerokab laitornatet, ko u chito ne nyigan:

ISAIAH 10:13 Referencias Cruzadas

2 LAITORINIK 15:29

Ki nyo Tiglat-peleser laitoryatap Assyria eng' peetuusyegap Pekah laitoryatap Israel ak ki nam Ijon, Abel ne po Beth-maaka, Janoah, Kedesh, Hasor, kobooto Gilead, Galilaya, ak emet tugul ne po Naphtali ak kiluul icheek komut koba Assyria.

2 LAITORINIK 16:8

Ak ki nam Ahaz fedha ak thahabu che ki mi kootap Kamuktaindet ne Toroor, che ki mi konoraigap kootap laitoryat ak koyookyi laitoryatap Assyria koek kagoochinet.

2 LAITORINIK 17:24

Ki imut `laitoryatap Assyria piik eng' Babilon, Kuta, Aba, Hamath ak Separbaim ak konde icheek nganasoogap Samaria kogeer piigap Israel. Ki punji icheek Samaria ak komeny nganasookyik.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 18:11

Ki imut `laitoryatap Assyria Israel koba Assyria, ak ki wo konde Hala ak Habor, aineetap Gosan ak nganasoogap Medes.

2 LAITORINIK 18:15

Ki igoochi `Hezekiah ineendet fedhaisyek tugul che ki mi eng' kootap Kamuktaindet ne Toroor, ak eng' konoraigap kootap laitoryat.

2 LAITORINIK 18:32

agoi anyo amutak obe emet ne kergei ak emeng'wong', emetap peek ak divaik, emetap amitwogik ak mbareenigap sabibuk, emetap mwanigap mseituni ak kumyat, si kobiit osapche, amobegu. Amogas Hezekiah, ye igoigook, kole, ‘Sarwech Kamuktaindet ne Toroor.’

1 ATEPTAP PEETUUSYEK 5:26

Ki ing'eet anyun Kiptaiyat Kamuktaindetap Israel Pul laitoryatap Assyria, ak Tilgath-pilneser laitoryatap Assyria, ak ki imut, piigap Reuben, piigap Gad, kebebertap pororyetap Manasseh koba emet ne ma nenywa. Ki imut koba Hala, Habor, Hara ak kot koit aineetap Gosan, agoi ra.

KALEWANAIK 28:11

Menee mogoryot utaaatyennyi, ago isyachi ineendet kibananiat ne tinyei kaguiyet.

ISAIAH 10:8

Amu ki mwa kole, “Tos, ma laitorinik pounikyuk tugul?

ISAIAH 5:21

Pwo eng' icheek che indogei kole ki utaatiin, ak kogeerei koleen ng'ulaatiin!

JEREMIA 46:8

Ng'eetei Misiri ko uu aineet, ak wasegei peekyik ko uu ainoosyek: ak leen, Ang'eete ak atuch emet; ang'eme nganaseet ak piik che menyei olooto.

JEREMIA 48:14

Omuktoi ano omwa ole, ki murenik che nyigoonen, ak ko ki murenik che kiimeen eng' lugeet?

EZEKIEL 25:3

ak ileenji lagogap Ammon, Ogas ng'olyootap Kiptaiyat Kamuktaindet ne Toroor, Mwaei Kiptaiyat Kamuktaindet ne Toroor kole: Amu ki imwa ile, Haa, agobo oldanyu ne tiliil, ye kiga kimurwon; ak agobo emetap Israel ye kiga kiyai kong'emak; ak agobo kootap Judah, ye ki kiluul:

EZEKIEL 26:2

Ee, weeriitap chii, amu ki komwa Tyro agobo Jerusalem kole, haa, kogobutok ineendet ne ki kurgeetap pororyosyek; kagoweekyagei: kitesa anyun achang'ait, amu kagong'emak ineendet;

EZEKIEL 29:3

ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

AMOS 5:27

Agoitook anyun keluulok, kimutak osiir Damasko, mwaei Kamuktaindet ne Toroor, ne kainennyi ko Kamuktaindet ne po lugoosyek.

AMOS 6:13

Okweek che oboiboitune kiit ne po puch, che omwae ole, “Tos ma ki ip eng' kimnateennyo kuinoik kobunjech?”

HABAKUK 1:11

Iwiktogei ko uu usoonet, ak kosiirto, ak konam ng'oogisto: ineendet ne kamuktaindennyi kimnateennyi.

HABAKUK 1:16

Eng'jin anyun regereiywondennyi ne kiname njireenik, ak kobeeljin nyamdutik regereiywondennyi ne oo; amu nyoorunee chooto tuguukyik che myach, ak amitwogikyik che chaang'.

HABAKUK 2:6

Tos ma mwaei pichuuto tugul karagutyet agobo chiichito, ak komwaei kalewenet ne sasisyei agobo ineendet, ak komwaei kole, Pwo! Ineendet ne tesyingei che ma chechiik! Tyanitu? Ak Pwo! Ineendet ne ipchingei tuguuk che kiname pesendo!

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

KIRUOGIK 7:2

Ki leenji Kamuktaindet ne Toroor Gideon, “Chaang' piik che mi kobooten ne ma muuchi ande Midianik eunekwak, si ma menjo Israel kole, ‘Kasarwo eunnyu.’