ISAIAH 1:9 - BUKUIT NE TILIIL Sireet ne Dutero Kanon

⁹ Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

Bukuit Ne Tilil

⁹ Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

BUKUIT NE TILIL

⁹ Nda kima bagakwech Jehovah ne bo lugosiek ng’etunenik che ng’ering’ mising’, ta kiga keige Sodom, ak ta kiga keige Gomora.

ISAIAH 1:9 Referencias Cruzadas

TAUNET 18:26

Kole Kamuktaindet ne Toroor, “Ngot anyoorchi Sodom piik konom che po iman, ariiree anyun olooto tugul amu icheek.”

TAUNET 18:32

Kole, “Amat konereech Kiptaiyat, si kota amwa ni kityo. Ngot kenyoorchi taman olooto?” Kole, “Ma ng'eme amu chooto taman.”

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

1 LAITORINIK 19:18

Ago atuukyinigei eliphuusyek tisap eng' Israel, kutung'oik tugul che tomo kogutung'ji Baal, ak kutit age tugul ne tomo kong'utut ineendet.”

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

ISAIAH 1:8

Kigebagaakta cheptap Zion ko uu keryet eng' mbareetap sabibuk, ko uu keryet eng' mbareetap ingweek, ko uu nganaseet ne kiyiem puunik.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 17:6

Nganda uu nooto, kong'etu turoonik, ko uu ye kitumdumi mseituni, ak kong'etune logoek aeng' anan ko somok eng' temeet ne tabanu parak, ak kong'etune ang'wan anan ko muut eng' mooriik che ki iwakta kolooegitu che po keetit ne rurei, mwaei Kamuktaindet ne Toroor, Kamuktaindetap Israel.

ISAIAH 24:13

Amu egu ko uu nooto eng' ng'wony ak eng' pororyosyek, ko uu ye kitumdumi mseituni, ko uu turisyetap sabibuk ye kagogeskei kesisyet.

ISAIAH 24:6

Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

ISAIAH 37:4

Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.

ISAIAH 46:3

Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo:

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

ISAIAH 65:8

Mwaei Kamuktaindet ne Toroor kole, ko uu ye kinyoorchin divaik che leelach logoek che irurugotin eng' temeet, ak kole age, Ameng'em, amu mi kaberuret tuguuchooto: ayae anyun ko uu nooto agobo otwogikyuk, si ma ng'em icheek tugul.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

RIREKAB JEREMIA 4:6

Amu ki koeet piretap piikyuk kosiir kergong'yetap Sodom, ne ki king'em kigabui eng' sait ne matya, ama twa chii.

EZEKIEL 14:22

Ago, ogeero, kituuchi piik che ng'etu che tuun kimuti, weeriik kobooto tiibiik: ogeero, mong'jinok, ak ogeer ortinwekwak ak poisyonikwak: ak kigaigaak agobo yaityet ne koaipchi Jerusalem, agobo tugul che koaipchi.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

AMOS 4:11

Ki ang'em ageesu alak eng' okweek, ko uu ye king'em Kamuktaindet Sodom ak Gomorah kogees, ak kio uu mecheita ne kaginemune maat; ago tomo oweekyage, mwaei Kamuktaindet ne Toroor.

HABAKUK 3:2

Ee Kamuktaindet ne Toroor, ki agas ng'aleeguk, aiyweisyei: Ee Kamuktaindet ne Toroor, ing'eet poisyeng'ung' eng' kasariitanyo; Yai kotook eng' kasarinyo; Ibwaat rireenet nginereechi.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

MATAYO 7:14

Mariich kurgeet ak ko pichiy ooreet ne wendi saboon ak ng'ering' che nyooru.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

ROMANIK 9:29

Ak, ko uu ye kiga sip komwa Isaiah kole, “Nda ki ma pagaakwech Kiptaiyatap Lugoosyek keswoot, ta kiga kegergeitu ak Sodom, ak ta kiga keyaech keige Gomorah.”

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.

2 PETERO 2:6

ak ngot ko kigabui ak kowal nganasoogap Sodom ak Gomorah koek oreek si koek kaboorunet eng' icheek che ta kotebyei koma iywei Kamuktaindet;

NG'ANG'UTYET 11:8

Ak tebyei muuswekwak eng' ooreetap nganaseet ne oo, ne kiguure eng' kalewenet Sodom ak Misiri, ole kiga kigartate Kiptaiyannywa agine.