HOSEA 9:8 - BUKUIT NE TILIIL Sireet ne Dutero Kanon

⁸ Ki riibindet Ephraim kobooto Kamuktaindennyu: ago ne uu maotyot, komi mesteetap toriitik ortinwekyik tugul, ak komi puunyoondit kootap Kamuktaindennyi.

Bukuit Ne Tilil

⁸ Ki riibindet Ephraim kobooto Kamuktaindennyu: ago ne uu maotyot, komi mesteetap toriitik ortinwekyik tugul, ak komi puunyoondit kootap Kamuktaindennyi.

BUKUIT NE TILIL

⁸ Ki ribindet Epraim koboto Kamuktaindennyu: ago ne u maotiot, komi mestetab taritik ortinwekyik tugul, ak komi bunyondit gotab Kamuktaindennyi.

HOSEA 9:8 Referencias Cruzadas

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 18:1

Kingo pata peetuusyek che chaang', konyonji ng'olyootap Kamuktaindet ne Toroor Elijah, eng' kenyiitap somok, koleenji, “Ui iboorchigei Ahab, si ayookyi ng'wony ropta.”

1 LAITORINIK 18:19

Iyookte anyun nguno kiyumwa Israel tugul kobwa tulweetap Karmel, kobooto maotigap Baal pogol ang'wan ak konom, ak maotigap Asera pogol ang'wan, che amisye meesetap Jesebel.”

1 LAITORINIK 22:11

Kiyachigei Zedekiah weeriitap Kenaana kuinoigap kariik, ak kole, “Kamwa Kamuktaindet ne Toroor ko uu ni, kole: ‘Itoortae chuuto piigap Syria, kot kogeskei.’ ”

1 LAITORINIK 22:22

Ki mwachi `Kamuktaindet ne Toroor ineendet koleenji, ‘Iberbertoi ano?’ Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

1 LAITORINIK 22:28

Ki leenji Mikaia, “Ngot iweigei iman eng' kaalyeet, ko kaagaa ma ng'alaalena Kamuktaindet ne Toroor.” Ak kites kole, “Ogas okweek piik tugul.”

1 LAITORINIK 22:6

Koyum anyun laitoryatap Israel maotik, olo po piik pogol ang'wan, ak koteebe koleenji icheek, “Awe kebarge ak Ramot-Gilead, anan atebi?” Ki leenji, “Togoste! Amu indoi Kiptaiyat eutap laitoryat.”

2 LAITORINIK 13:21

Ak ki keer lugeet ye ki tubei icheek chiito, ak ki wiirchi chiichooto kereritap Elisha. Kingo tiiny chiichooto kawegap Elisha, kosap ak kong'eet.

2 LAITORINIK 2:14

Ki nam ngoryeetap Elijah ne ki ibute ineendet ak kokwere peek ak kole, “Mi ano Kamuktaindet ne Toroor, Kamuktaindetap Elijah?” Kingo kagokwer peek, kopcheiyo koba komosi ak komosi, ak ki landa Elisha.

2 LAITORINIK 2:21

Ki manda kwo kondametutap peek, ak kowiirchi oriit muunyuk, ak kole, “Kamwa Kamuktaindet ne Toroor kole: ‘Kaasoop peechu; ma kobiitu meet anan osunateet eng' olooto.’ ”

2 LAITORINIK 4:41

Ago ki le ineendet, “Oibu peek che ng'ootiin.” Kiroong'ji tereet ak ki mwa kole, “Orong'u si koam piik.” Ak ki mata kobiit kiy ne ya eng' tereet.

2 LAITORINIK 4:43

Ki le otwogindennyi, “He! Andoi amitwogichu taitap piik pogol?” Ago ki le, “Igoochi piik koam. Amu kamwa Kamuktaindet ne Toroor kole, ‘Amei kot kotuuch.’ ”

2 LAITORINIK 5:14

Kochoortagei anyun kwo kochut peek konyil tisap eng' Jordan, ko uu mwaetap chiitap Kamuktaindet. Ki week poortanyi kowalak koigei poortap lakweet ne ming'in, ak kitiliiliit.

2 LAITORINIK 5:27

Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

2 LAITORINIK 7:19

Ki wolji kiptaiyandanooto chiitap Kamuktaindet koleenji, “Keero, agot ingoyat Kamuktaindet ne Toroor tirisyok eng' kipsengwet, ko tos piit kiy ne uu nooto?” Ak ki le, “Igeere eng' konyeguk, ago meame tuguuchooto.”

2 LAITORINIK 7:2

Kowolji anyun kiptaiyat ne kitiegei eunnyi laitoryat chiitap Kamuktaindet, koleenji, “Ogeero, ngot koyai Kamuktaindet ne Toroor tirisyok eng' kipsengwet, ko tos piit kioto?” Ak ki le Elisha, “Keero, igeere eng' konyeguk, ago meame tuguuchooto.”

TIENWOGIKAL 124:7

Chilildos saboonwekyok ko uu ye chilili toriityon eng' mesteetap kiplogotinik che parei toriitik; kagong'et mesteet, ak kagechililse.

AMDOINDET 9:12

Amu manai chiito agine peetuunnyi: uu njireenik che kinamei eng' regereiywot ne ya ak uu toriitik che kinamei eng' mesteet, kinamei ko uu nooto weeriigap piik eng' peetuut ne ya ne cheei icheek.

TYENDO NE SIIREI TUGUL 3:3

Ki nyoorwo riibiik che pendoti eng' nganaseet, Ki ateebee aleenji, “Tos ki ogeer ineendet ne chamei saboondanyu?”

ISAIAH 62:6

Kande riibiik irimoiguk, ee Jerusalem; ma koi siisyo peet anan kemoi; amomuunyi okweek piik che obwaatyini Kamuktaindet ne Toroor,

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 14:13

Ago ki amwa anyun ale, ee, Kiptaiyat Kamuktaindet ne Toroor! Keero, mwachin maotik icheek, koleenji, “ ‘Maityinok rotwetap chok, amonyooru rubeet; ago agoonok kaalyeet ne po iman eng' olito.’ ”

JEREMIA 23:13

Ak ki ageer perberyo eng' maotigap Samaria; ki maotene Baal, ak kogoochi piikyuk Israel kolel.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 6:14

Kigonya ak kobir parak moogap piikyuk, koleenjin, “Kaalyeet, kaalyeet,” ye ma mi kaalyeet.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

RIREKAB JEREMIA 2:14

Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

EZEKIEL 3:17

Ee weeriitap chii, kandein iegu riibindet eng' kootap Israel: kas anyun ng'olyoot ne amwae, ak iteechi icheek eng' ng'olyoondennyu.

EZEKIEL 33:7

Ee anyun, inyee, weeriitap chii, kaandein iegu riibindet eng' kootap Israel; kas anyun ng'olyoot ne amwae, ak iipchi icheek kateunennyu.

HOSEA 5:1

Ogas niito, ee okweek tisiik! Oep iit, okweek kootap Israel! Ogas komyee, ee kootap laitoryat, amu nyoonjinok kirwooget; amu ki oegu mesteet eng' Mispa, ak mesteet ne uu regereiywot ne kiitoi eng' Tabor.

HOSEA 9:7

Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

HOSEA 9:9

Kigong'emgei miising', ko uu eng' peetuusyegap Gibea: ibwaati ineendet tengektonywa, iityin pireet amu tengekwogikwak.

MIKAH 7:4

Ne myee eng' icheek ko uu kateet ne rutei piich: ne litit miising' eng' icheek ko ya kosiir ng'ootweetap katook: kagoit peetuutap riibiguk, peetuut ne kiityinin pireet; egu anyun kaiimennywa pogei.

JOHANA 15:24

Nda ki ma ayai eng' kwenunnywa poisyonik che ki ma yai chiito age, ta ki ma kotinyei tengek: ago nguno ko kagogeerech ak kagowechech anee ak Abba.

ROMANIK 3:7

Ago ngo tesak imanitap Kamuktaindet eng' lembeitanyu agoi toroornatennyi, ko amu nee si kota kirwookwo ko uu kiptengekyo?

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.