HOSEA 9:4 - BUKUIT NE TILIIL Sireet ne Dutero Kanon

⁴ Ma roong'jin Kamuktaindet ne Toroor kagoochinoigap divaik, ama iboiboi ineendet: uu tiseiywekwak eng' icheek amitwogigap piik che riirtos; king'waniti icheek tugul che amei: po amitwogikwak magennywa; ma ki ibu kobwa kootap Kamuktaindet ne Toroor.

Bukuit Ne Tilil

⁴ Ma roong'jin Kamuktaindet ne Toroor kagoochinoigap divaik, ama iboiboi ineendet: uu tiseiywekwak eng' icheek amitwogigap piik che riirtos; king'waniti icheek tugul che amei: po amitwogikwak magennywa; ma ki ibu kobwa kootap Kamuktaindet ne Toroor.

BUKUIT NE TILIL

⁴ Marong’jin Jehovah kagochinoikab divaik, amaiboiboi inendet: u tiseiywekwak eng’ ichek amitwogikab bik che rirtos; king’waniti ichek tugul che amei: bo amitwogikwak magenywa; magiibu kobwa gotab Jehovah.

HOSEA 9:4 Referencias Cruzadas

KOMONG'U 29:40

Itesyini aarwet age keruutyet agenge ne po peek che ng'ootiin che tambulul che kagiburukto litait agenge ne po mwaita ne pitunee tuisyet, ak litait agenge ne po divaik koek kagoochinet ne kirong'u.

KOMONG'U 40:23

Kitet magatiinik eng' meset eng' taitap Kamuktaindet ne Toroor, ko uu ye ki ng'at `Kamuktaindet ne Toroor Musa.

ISAIAH 57:6

Mi kebebertang'ung' koik che chaboen che po atebweet; chooto, chooto ko kebebertang'ung': ki iroong'ji icheek kagoochinet ne kieei, ki igoochi kagoochinet. Tos igoigoa tuguuchuuto?

ISAIAH 66:3

Ineendet ne parei teta ko kergei ak ineendet ne parei chiito; ineendet ne igoitoi aarwetap keechiir koek tiseiywot, ko kergei ak ineendet ne iriei kaatitap seset; ineendet ne igoitoi kagoochinetap peek ko kergei ak ineendet ne igoitoi korotiigap toret; ineendet ne peelei tuguuk che nyamdut ko kergei ak ineendet ne iberuuri kanamwet: ee, ki kolewen ortinwekwak ak kochamei saboonwekwak tuguukwak che kiwechei;

JEREMIA 16:7

ama putuli piik magatiinik agobo icheek amu riirek, si kogaigai icheek amu piik che kabek; ama igoochin koe kigombetap kagaigaet agobo kwanisyekwak ak kametisyekwak.

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

EZEKIEL 24:17

Tigen, ago ma miising'; ametechi che ki kobek, taae meting'ung' angeet, ak ilaach kweoniguk, ametuch kuting'ung', ameam amitwogigap piik.

EZEKIEL 24:22

Ak tuun oyae ko uu ye koayai: motuche kutusweekwok, anan oam amitwogigap piik.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

HOSEA 7:16

Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:9

Kageisto kagoochinetap peek che ng'ootiin ak kagoochinet ne kieei eng' kootap Kamuktaindet ne Toroor. Riirtos tisiik, kiboitinigap Kamuktaindet ne Toroor.

JOEL 2:14

Ng'oo ne ingen ngo tos ma week ak kowal kabwaatutikyik, ak kobagaakta kaberuret eng' ole kabunei, amu kagoochinetap peek che ng'ootiin ak kagoochinet ne kieei ne kigoochin Kamuktaindet ne Toroor Kamuktaindeng'wong'?

ATEPTAP LAWIK 17:11

Amu mi saboondap poorto korotiik. Ki agoonok korotichooto oyachinegei kagaigaet eng' kaptisiisyo amu saboonwekwok. Amu korotiik che yaei kagaigaet agobo saboondo.

ATEPTAP LAWIK 21:17

“Mwachi Aron ileenji, amat koriikta koipchi Kamuktaindennyi amitwogikyik, chii age tugul eng' iyoteng'ung' ne ma libwoop, eng' ibinwekwak tugul.

ATEPTAP LAWIK 21:21

Amat koriikta chii ne ma libwoop ne po lagogap Aron tisiindet, kwo kogoito kagoochinoigap Kamuktaindet ne Toroor, che punei maat, amu ma libwoop, ma riigu nyoo kogoitoi amitwogigap Kamuktaindennyi.

ATEPTAP LAWIK 21:6

Egu che tiliileen eng' Kamuktaindennywa, amat koreeny kainetap Kamuktaindennywa. Amu igoitoi icheek kagoochinoik che punei maat, che po Kamuktaindet ne Toroor, chooto amitwogigap Kamuktaindennywa. Egu anyun icheek che tiliileen amu nooto.

ATEPTAP LAWIK 21:8

Itiliil ineendet anyun amu nooto, amu ineendet ne igoitoi amitwogigap Kamuktaindeng'ung'; ingotiliilit anyun ineendet eng' inyee, amu anee Kamuktaindet ne Toroor ne atiliilok, ko aa tiliil.

AMOS 5:22

Ee, agot ngo koono kagoochinoikwok che kibeelei ak kagoochinoikwok che po peek che ng'ootiin, ko mataache; ak kagoochinoikwok che po kaalyeet, che po che kiyagi che akwaen koma iiti.

MALAKI 2:13

Ak ni kiit age ne oyae kogeny, otumjini peegap kong' kaptisisyetap Kamuktaindet ne Toroor, eng' riirek ak kateeiyet, kot koma koiti kogeny kagoochinet, ama kotaachei eng' chamyet che ogoochini eng' eunekwok.

KAITOSYEK 19:11

“Murwoniitu peetuusyek tisap ineendet ne twaei muusto ne po chii age tugul.

KAITOSYEK 28:2

“Ng'at piigap Israel ileenji: ‘Oriip si ogoono eng' peetuusyekwok che nyoljin, kagoochinennyu, amitwogikyuk che po kagoochinoikyuk che punei maat, koek nyamdutik che anyiny eng' anee.’

KAITOSYEK 4:7

“Ingoitoe pichooto angeet ne buluu meset ne po magatiinik che po kabartaet ak konde paragunnyi taabook, kechigosyek, tageiywek ak kigombok che kiroong'jine tuguuk ak tebee paragunnyi magatinigap kotugul.

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

NG'ATUTIK 26:14

Ma aam tuguuchooto eng' riirekyuk ama aiste alak eng' chooto aboisyee eng' poisyet ne ma tiliil, ama agoite amu che ki kobek, ago ki agas iit kutitap Kamuktaindet ne Toroor Kamuktaindennyu ak ki ayai ko uu tugul che ki ing'ata.