HOSEA 6:6 - BUKUIT NE TILIIL Sireet ne Dutero Kanon

⁶ Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

Bukuit Ne Tilil

⁶ Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

BUKUIT NE TILIL

⁶ Amu amache rirenetab ge, mamache tiseiywot; ak amache naet konai Kamuktaindet kosiir kagochinoik che kibeelei.

HOSEA 6:6 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 50:8

Ma kerin kong' agobo tiseiyweguk; ak mi tainnyu kagoochinoiguk che kebeelei kotugul.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

AMDOINDET 5:1

Riip keeldong'ung' ye iwendi kootap Kamuktaindet; amu kaigai keriikyi si kegas, kosiir koroseek che igoitoi piik che perber; amu ma naei icheek kole yaei yaityet.

ISAIAH 1:11

Tilei nee eng' anee chaang'indap tiseiywekwok? Mwaei Kamuktaindet ne Toroor. Kigonyia kagoochinoik che po peelset che po mengichik, ak sunetigap tuuga che pootin; ama paibaitune korotiigap kiruugik, anan ko che po aaregap keechiir, anan ko che po kwesik.

ISAIAH 58:6

Tos ma karugutetapkei ni ne ki alewen: ale kityaach ratuutigap yaityet, kityaach anoogap chogit, ak keunda che kigetyekyi ng'wony, ak oiri chogit age tugul?

JEREMIA 22:16

Ki irwooksechi ne panan ak ne ma tinyei kiy; ki myeiit anyun. Tos ki ma konaena niito? Mwaei Kamuktaindet ne Toroor.

JEREMIA 7:22

Amu ki ma ang'alaalji kwanisyekwok anan ang'at icheek eng' peetuut ne ki amutu komang'une emetap Misiri, agobo kagoochinoik che kibeelei ak tiseiywek.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

HOSEA 2:20

Achobe atunin eng' imanda; ak inai Kamuktaindet ne Toroor.

HOSEA 4:1

Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

AMOS 5:21

Aweche, asase igoorwekwok, amabaibaitune tuiyosyekwok che po kaming'inetapkei.

MIKAH 6:6

Aibu nee taitap Kamuktaindet ne Toroor, ak ang'uruuge eng' taitap Kamuktaindet ne Toroor? Tos anyoo tainnyi aibu kagoochinoik che kibeelei kobooto moek che ma siirei kenyiit agenge?

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

MATAYO 12:7

Ago nda ki ongen kaguiyetap ‘amache rireenetapkei ma tiseiywek,’ ta ki ma ogikyini che ma tinyei tengek,

MATAYO 5:7

Poiboen che rireegei, amu tuun nyooru ak icheek rireenetapkei.

MATAYO 9:13

Ago oba okweek, si oneetkei ole teptoi ng'olyoondoni, ‘Amache rireenetapkei, ma mache tiseiywo.’ Ki ma anyo aguur che po imanda, ago kiptengeginik.”

MARIKO 12:33

ak ngo cham ineendet eng' muguleldo komugul, ak eng' kaguiyet komugul, ak eng' kimnateet komugul, ak ngo cham chiitap kokwet ko uu ole chamdogei, kosiirei nooto kagoochinoik tugul che kibeelei ak tiseiywek.

JOSHUA 5:5

Nganda kiga kiyatita piik tugul che kigamong' eng' olooto, ko tugul che ki kisikyi surkwen eng' ooreet ye ki mong'u eng' Misiri ko kitom keyatita.

1 JOHANA 2:3

Ak kingen eng' ni keele kingen ineendet, ngot keriibe ng'atuutikyik.

1 JOHANA 3:6

Chii age tugul ne menyei ineendet koma yaei tengek: ak chii age tugul ne yaei tengek ko tomo kogeer ineendet, ama ingen ineendet.

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.