HOSEA 5:15 - BUKUIT NE TILIIL Sireet ne Dutero Kanon

¹⁵ Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

Bukuit Ne Tilil

¹⁵ Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

BUKUIT NE TILIL

¹⁵ Aweekyinige anyun oldanyu, agoi kong’any chalwoktanywa, ak kocheng’a: cheng’a eng’ kagiiletab ge eng’ nyalildanywa.

HOSEA 5:15 Referencias Cruzadas

TAUNET 42:21

Ki ng'alaaljigei icheegei kole, “Kagonamech kirwooget iman agobo tupchennyo, amu ki kigeer nyalildap muguleldanyi, ye ki igaigaech, ak ki ma kicham kegasyi; kanyonjech anyun nyalili amu nooto.”

2 ATEPTAP PEETUUSYEK 7:14

ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

TIENWOGIKAL 107:13

Ki riirchi anyun Kamuktaindet ne Toroor eng' nyalildanywa, ak ki sar icheek komang'une pichiinwekwak.

TIENWOGIKAL 107:19

Koriirchi anyun Kamuktaindet ne Toroor eng' nyalildanywa, ak kosar icheek komang'une pichiinwekwak.

TIENWOGIKAL 107:28

Koriirchi anyun Kamuktaindet ne Toroor eng' nyalildanywa, ak komoong' icheek eng' pichiinwekwak.

TIENWOGIKAL 107:6

Ki riirchi anyun Kamuktaindet ne Toroor eng' nyalildanywa, ak ki sar icheek komang'une pichiinwekwak.

TIENWOGIKAL 132:14

Yuto ko komosta ole amuung'e koigeny; atebee yuto; amu ki amach.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 78:34

Ye kingo par icheek, kocheeng' anyun icheek ineendet: Ak ki week kocheeng' Kamuktaindet eng' kagiiletapkei.

TIENWOGIKAL 83:16

Inyiit teweernateet togoochikwak; Si kobiit kocheeng' kaineng'ung', ee Kamuktaindet ne Toroor.

KALEWANAIK 8:17

Achame che chama; ak nyoorwo che cheeng'a eng' kagiiletapkei.

ISAIAH 18:4

Amu kamwaiwo Kamuktaindet ne Toroor ko uu ni koleenjo: “Asise, ak ageere eng' ole amenye, ko uu asiista ne ng'waan ne iluu miising', ko uu poldetap rewoot eng' kiptoretap peetuusyegap kesisyet.”

ISAIAH 26:16

Ee Kamuktaindet ne Toroor, ki kobwonjin icheek eng' nyalilda, kisaain ye kiitigon icheek.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

JEREMIA 2:27

che leenjin subenet, “Ii abba.” Ak koleenji koita, “Ki isicha.” Amu ki kotuktocha patai, ama tokyagei. Ago mwaei eng' peetuutap nyalildanywa kole “Ng'eet ak isarwech!”

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

RIREKAB JEREMIA 3:40

Ongisyach ak ketyem ortinwekyok, si keeweekyigei kogeny Kamuktaindet ne Toroor.

EZEKIEL 10:4

Ak ki togosta liilindap Kamuktaindet ne Toroor eng' kerubik, ak kotonone tugatugigap koot; ak ki nyi koot pooldet, ak ki nyi seremut kakweng'eetap liilindap Kamuktaindet ne Toroor.

EZEKIEL 11:23

Ak kitogosta liilindap Kamuktaindet ne Toroor eng' kwenutap nganaseet ak kwo kotonone tulweet ne mi komostap kong'asiis eng' nganaseet.

EZEKIEL 20:43

Ak obwaat eng' olooto ortinwekwok ak poisyonikwok tugul, che ki ong'wanitegei; ak osaske amu yaitwogikwok tugul che ki oyai.

EZEKIEL 36:31

Yeityo obwaat anyun ortinwekwok che yaach, ak poisyonikwok che ki ma ko myachen; ak osaske okweegei eng' taing'wong' amu tengekwogikwok ak amu tuguukwok che kiwechei.

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

EZEKIEL 8:6

Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.

MIKAH 1:3

Amu, ogeero, mong'u Kamuktaindet ne Toroor eng' oldanyi, ak kochoorgei, ak kotyech komoswek che torooreen che po ng'wony.

KAITOSYEK 21:7

Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

LUKA 13:25

Ak ye tuun kang'eet chiitap ko po koot, ak koger kurgeet, ak otau anyun otononse eng' saang', ak ogonygony kurgeet, ole, “Kiptaiyat, yaatwech.” Ak kowolwok ineendet kole, “Mangenok, ak ole obunu.”

KIRUOGIK 4:3

Ki riirchi anyun `piigap Israel Kamuktaindet ne Toroor amu ki tinyei kariisyegap kariik pogol sogool, ak kiga konyaliil piigap Israel eng' kimnateet eng' kenyiisyek tiptem.