HOSEA 4:7 - BUKUIT NE TILIIL Sireet ne Dutero Kanon

⁷ Ko uu ye kitesak, ko uu nooto kitesak koyaiywo tengekto; awale toroornatennywa koek teweernateet.

Bukuit Ne Tilil

⁷ Ko uu ye kitesak, ko uu nooto kitesak koyaiywo tengekto; awale toroornatennywa koek teweernateet.

BUKUIT NE TILIL

⁷ Ko u ye kitesak, ko u noto kitesak koyaiywa tengekto; awale torornatenywa koek tewernatet.

HOSEA 4:7 Referencias Cruzadas

EZRAH 9:7

Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

HOSEA 10:1

Israel ko keetitap sabibuk ne tuneni kot, ne yiei logoekyik: ki kotes ineendet kapkorosusyekyik ko uu ole tee chaang'indap logoekyik; ki koyai icheek tolochik che korooron ko uu ole tee karaaranindap emennyi.

HOSEA 10:6

Ki ibei moato kwo Assyria koek kagoochinet ne ki ipchin laitoryat Jareb: nyooru Ephraim teweernateet, ak ililanjin Israel kirwoogennyi ineegei.

HOSEA 13:14

Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

HOSEA 4:10

Amisyei, ama piyang'dos; yaei kugoinatet ama tesoksei; amu ki kometa anee Kamuktaindet ne Toroor ak kobegechi

HOSEA 5:1

Ogas niito, ee okweek tisiik! Oep iit, okweek kootap Israel! Ogas komyee, ee kootap laitoryat, amu nyoonjinok kirwooget; amu ki oegu mesteet eng' Mispa, ak mesteet ne uu regereiywot ne kiitoi eng' Tabor.

HOSEA 6:9

Ko uu ye sapchin lugosyegap rebiik chii, ko uu nooto kweanetap tisiik, parisyoti eng' ooreet ne tokyingei Shekem; ee, ki koyai yaityet.

HOSEA 9:11

Tirireni toroornatetap Ephraim ko uu toriityon: ma piitu sigisyet, ama mi ne chiioo, anan ne manachi.

HABAKUK 2:16

Kanyiin teweernateet ne kata toroornatet: ee aginye, si iige ne ma kimuratan: kiweekyinin kigombetap eutap tai ne po Kamuktaindet ne Toroor, ak kotebee teweernateet ne samis toroornateng'ung'.

MALAKI 2:9

Ki ayaak anyun oegu che kisasei ak ko nyerootiin eng' taitap piik tugul, ko uu ye ki ma oriip ortinwekyuk, ago ki otiytiy piik eng' ng'atuutik.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

PILIPIK 3:19

ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.