HOSEA 4:3 - BUKUIT NE TILIIL Sireet ne Dutero Kanon

³ Riirei anyun emet, ak nyaluli age tugul ne menyei olooto, kobooto tyong'igap timiin ak toriitigap parak, ee agot njireenigap nyanja ko pegu ak icheek.

Bukuit Ne Tilil

³ Riirei anyun emet, ak nyaluli age tugul ne menyei olooto, kobooto tyong'igap timiin ak toriitigap parak, ee agot njireenigap nyanja ko pegu ak icheek.

BUKUIT NE TILIL

³ Rirei anyun emet, ak nyaluli age tugul ne menyei oloto, koboto tiong’ikab timin ak taritikab barak; ee, kiistoi agichek njirenikab nyanjet.

HOSEA 4:3 Referencias Cruzadas

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 4:25

Kinga keete, ko ki ma komi chii, agot toriitik tugul che po parak, ko kiga komweiso.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:9

Tos manyone abire icheek agobo tuguuchu? Mwaei Kamuktaindet ne Toroor. Tos mayaaktachinigei mugetuut eng' pororyet ne uu ni?

EZEKIEL 38:20

kot kobotanso eng' tainnyi njireenigap nyanjet, ak toriitik che po parak, ak tyong'igap timiin, ak tuguuk tugul che ichuutegei ng'wony, kobooto piik tugul che miitei ng'wony, ak kiluul tuloonook, ak kong'isyogen ole keigei, ak koluul irimeet age tugul.

JOEL 1:18

Tigendos tyong'ik ne tya! Kaiimgei akwotisyegap tuuga, amu ma mi ole agete; ee, nyalildos akwotisyegap keechiirek.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 5:16

Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

AMOS 8:8

Tos ma potani emet amu niito, ak koriir age tugul ne menyei olooto? Ee, ng'eetei komugul ko uu aineet; ak koiimgei ak koteeny kogeny, ko uu aineet ne po Misiri.

NAHUM 1:4

Kere kong' nyanjet ak kogoochin koyaam, ak igoochin koteeny ainoosyek tugul; nyaluli Bashan ak Karmel, ak kores taapteetap Lebanon.

SEPANIA 1:3

Ageesu piik ak tyong'ik; ageesu toriitigap parak, ak njireenigap nyanjet, andachini kanagutik kiptengeginik; ak aiste piik eng' ng'wony, mwaei Kamuktaindet ne Toroor.

SEKARIA 5:4

Ayooktoi kitabuunooto, mwaei Kamuktaindet ne Toroor ne po lugoosyek kochut kootap choriindet, ak kochut kootap chiito ne iyastos lembechek eng' kainennyu: ak kotebee kwenutap koonnyi, ak kogees koyooto kobooto keetiikyik ak koikyik.