HOSEA 4:13 - BUKUIT NE TILIIL Sireet ne Dutero Kanon

¹³ Enyei tiseiywek eng' tuloonook parak, ak kobeelei nyamdutik eng' tuloonook, eng' kelutap keetiik, keetiik alak che uu siliboik, ak keetiigap alayet, amu myee urwennywa. Nooto anyun yaei tiibiikwok kugoinatet, ak koyai murerenikwok ibeetapkei.

Bukuit Ne Tilil

¹³ Enyei tiseiywek eng' tuloonook parak, ak kobeelei nyamdutik eng' tuloonook, eng' kelutap keetiik, keetiik alak che uu siliboik, ak keetiigap alayet, amu myee urwennywa. Nooto anyun yaei tiibiikwok kugoinatet, ak koyai murerenikwok ibeetapkei.

BUKUIT NE TILIL

¹³ Enyei tiseiywek eng’ tulonok barak, ak kobeelei nyamdutik eng’ tulonok, eng’ kelutab ketik, ak ketik alak che u siliboik, ak ketik alak che ter, amu mie uruenywa: yaei anyun tibikwok kugoinatet, ak koyai murerenikwok ibetab ge.

HOSEA 4:13 Referencias Cruzadas

2 LAITORINIK 17:7

Ki yaak ko uu nooto, amu kiga yachi piigap Israel tengekto Kamuktaindet ne Toroor Kamuktaindennywa, ne ki imutu icheek komong' eng' emetap Misiri, komang'une eutap Pharaoh laitoryatap Misiri, Kiga koywei icheek kanamonik,

2 LAITORINIK 23:7

Kibut kooriigap sodomik, che ki mi kootap Kamuktaindet ne Toroor, ole kiyae kwonyiik ngoroik che songinindos che po Asera.

ISAIAH 1:29

Amu ililandos icheek amu keetiik che ki omache, ak kiteweerak agobo mbareenik che ki olewen.

ISAIAH 57:5

che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?

ISAIAH 57:7

Kainde itogung'ung' tulweet ne ki wo parak ak ko kooi miising': ak ki iwe kogeny olooto igoite tiseiywek.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

EZEKIEL 16:16

Ak ki ip ngoroiguk ak iyachigei komoswek che torooreen che ki ilelesane saleiywek che teerchiin, ak iyae chooto kugoinatet: ma kobiitu tuguuk che uu chooto, ama ko yaaksei ko uu nooto.

EZEKIEL 16:25

Ki iteech oldang'ung' ole kitororit eng' tabandap ooreet age tugul, ak iyai karaaranindang'ung' koek kiit ne kiwechei, ak oipkei ak age tugul ne siirtoi, ak ites kugoinateng'ung'.

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

HOSEA 10:8

King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 2:13

Aipchini ineendet pireet agobo peetuusyegap Baalik, ye kibeelji `ineendet icheek nyamdutik, ak kolelesanjinegei munaokyik ak tuguukyik che po lelesta, ak kwo kosubot chamanikyik, ak koutyeno, mwaei Kamuktaindet ne Toroor.

AMOS 7:17

Mwaei anyun Kamuktaindet ne Toroor kole: ‘Egu osotyondeng'ung' chepkugoniot eng' nganaseet, ak kebare rotwetap chok weeriiguk ak tiibiiguk, ak kepchee porowet emeng'ung'; ak imee inyeendet eng' emet ne ng'waan, ak keluul iman Israel kimut eng' emennyi.’ ”