HOSEA 12:6 - BUKUIT NE TILIIL Sireet ne Dutero Kanon

⁶ Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

Bukuit Ne Tilil

⁶ Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

BUKUIT NE TILIL

⁶ Iweekyige anyun Kamuktaindeng’ung’: rib rirenet ak kiruoget, ak igen Kamuktaindeng’ung’ kotugul.

HOSEA 12:6 Referencias Cruzadas

TAUNET 49:18

Ki agen yetuneng'ung', ee Kamuktaindet ne Toroor.

TIENWOGIKAL 123:2

Ogeero, ko uu ye keerei otwogik eutap kiptaiyannywa, ko uu ye keerei chepto eutap chebyoset ne pou ineendet; ko uu nooto keerei konyekyok Kamuktaindet ne Toroor, Kamuktaindennyo, agoi korirenech.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 37:7

Imuuny eng' Kamuktaindet ne Toroor, ak igen ineendet eng' muitaet; ameng' konyitin chii ne peruri eng' ooreennyi, chiito ne isuldoe ng'aalseet.

KOMONG'U 3:15

Ak ki leenji `Kamuktaindet Musa kogeny, “Imwachini piigap Israel ng'olyoondoni ileenjini, Kagoyokwo Anyoonjok Kamuktaindet ne po Toroornatet ne po kwanisyekwok, Kamuktaindetap Abraham, Kamuktaindetap Isak, Kamuktaindetap Jakobo; kainennyu niito agoi koigeny, ak kabwaatennyu niito agoi ibinwek tugul.

KALEWANAIK 1:23

Ogas oriip kateunennyu, ogeero, aroong'wok kabwaatutikyuk, ak ang'ang'wok ng'aleekyuk.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

ISAIAH 1:16

Ounge, otiliilgei; oiste yaityetap poisyonikwok eng' tainnyu; osisye, amatata oyai yaityet,

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 58:6

Tos ma karugutetapkei ni ne ki alewen: ale kityaach ratuutigap yaityet, kityaach anoogap chogit, ak keunda che kigetyekyi ng'wony, ak oiri chogit age tugul?

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

JEREMIA 22:15

Tos ilaitoran, amu igiiligei ibelisye eng' taragonik? Tos ki ma amis kwandang'ung' ak koeeiso, ak koyai kirwooget ak iman? Kimyeeit anyun eng' ineendet.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 4:1

Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

AMOS 4:13

Amu, keero, ineendet ne yaei tuloonook, koyaei usoonet, ak komwachin chii kabwaatennyi, ineendet ne yaei karonet koimenit, ak kotyechei komoswek che torooreen che po ng'wony; kainennyi ko Kamuktaindet ne Toroor, Kamuktaindet ne po lugoosyek.

AMOS 5:24

Ago ingoroot kirwooget ko uu peek, ak ingoroot imanda ko uu aineet ne nyiitaat peek.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

MIKAH 7:7

Ago amang'u anee Kamuktaindet ne Toroor; ageni Kiptaiyat Kamuktaindetap yetunennyu: kasa Kamuktaindennyu,

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

SEKARIA 7:9

Kamwa Kamuktaindet ne Toroor ne po lugoosyek kole, oyai kirwooget ne po iman, ak oyachi tupchetap chii age tugul eng' okweek myeeindo ak rireenet:

SEKARIA 8:16

Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.