HOSEA 11:2 - BUKUIT NE TILIIL Sireet ne Dutero Kanon

² Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

Bukuit Ne Tilil

² Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

BUKUIT NE TILIL

² Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

HOSEA 11:2 Referencias Cruzadas

1 LAITORINIK 12:33

Ki togosta kwo kapkorosuut ne kiga koyai eng' Bethel, eng' peetuutap taman ak muut, eng' arawetap sisiit, eng' arawet ne kiga chop ineegei eng' muguleldanyi, ak ki ng'at keyai. Ki inde igoorto ne po piigap Israel, ak kotogosta kwo kapkorosuut, kobeel nyamdutik.

1 LAITORINIK 18:19

Iyookte anyun nguno kiyumwa Israel tugul kobwa tulweetap Karmel, kobooto maotigap Baal pogol ang'wan ak konom, ak maotigap Asera pogol ang'wan, che amisye meesetap Jesebel.”

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

ISAIAH 65:7

tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 35:13

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ui ak imwachi piigap Judah ak piik che menyei Jerusalem, ileenji, Tos mochame otaach kaneetisyet oepchi iit ng'aleekyuk? Mwaei Kamuktaindet ne Toroor.

JEREMIA 44:5

Ago ma kas, anan koep iit si kobiit koweek kometo yaityennywa, si mata kobeelji nyamdutik kamuktaik che teer.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

HOSEA 2:13

Aipchini ineendet pireet agobo peetuusyegap Baalik, ye kibeelji `ineendet icheek nyamdutik, ak kolelesanjinegei munaokyik ak tuguukyik che po lelesta, ak kwo kosubot chamanikyik, ak koutyeno, mwaei Kamuktaindet ne Toroor.

HOSEA 4:13

Enyei tiseiywek eng' tuloonook parak, ak kobeelei nyamdutik eng' tuloonook, eng' kelutap keetiik, keetiik alak che uu siliboik, ak keetiigap alayet, amu myee urwennywa. Nooto anyun yaei tiibiikwok kugoinatet, ak koyai murerenikwok ibeetapkei.

HOSEA 4:17

Ki konamgei Ephraim ak kanamonik; pagakte ineegei.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

SEKARIA 7:11

Ago ki eesyo kogas iit, ak kililich tigigoikwak, ak kotiim itiikwak si ma kas.

LUKA 13:34

“Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

KIRUOGIK 10:6

Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

KIRUOGIK 2:13

Ki meto Kamuktaindet ne Toroor, ak koot Baal ak Astarot.

KIRUOGIK 3:7

Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.