HOSEA 11:10 - BUKUIT NE TILIIL Sireet ne Dutero Kanon

¹⁰ Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

Bukuit Ne Tilil

¹⁰ Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

BUKUIT NE TILIL

¹⁰ Bendoti ichek kosuboti Jehovah, ne boriseni ko u ng’etundo: amu boriseni inendet, ak kobwa lagok kobotanionu kobunu cherongo.

HOSEA 11:10 Referencias Cruzadas

Kitabuutap JOB 37:1

Potani muguleldanyu agobo niito kora, pirei eng' komostanyi.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 2:11

Oboisyechi Kamuktaindet ne Toroor eng' kaiyweisyet; ak oboiboitu eng' potanet.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 31:4

Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 64:2

ko uu ye peelei maat sigorik, ak ko uu ye iguuti maat peek: si kibarta kaineng'ung' konaak eng' puuniguk, si kobotanso pororyosyek eng' taing'ung'!

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 25:30

Maotenji anyun eng' ng'aleechu tugul, ileenji, Pooriseni Kamuktaindet ne Toroor eng' parak, ak kotwegu eng' meng'ootennyi ne tiliil; porisenjin miising' akweennyi; waachei ko uu che tyechei sabibuk, kowaakyi piik tugul che menyei ng'wony.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

JEREMIA 5:22

Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

JEREMIA 50:4

Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

EZEKIEL 26:16

Kochoorgei anyun eng' ng'echerokwak che po laitornatet pounik tugul che po nyanjet, ak koreek ngoroikwak che tabanu parak, ak koreek ngoroikwak che ki kinde lelesta: ilaachi potanet; ak kotebee ng'wonyut, ak kobotanso sait age tugul ak kokwong'enen.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

JOEL 3:16

ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 3:4

Tos pooriseni ng'etundo eng' timiin ngo ma par tyondo? Tos pooriseni ng'etundo ne neran eng' kebenennyi ngot koma am kiy?

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

MIKAH 4:5

Amu wendoti pororyet age tugul eng' kainetap kamuktaindennyi, ak kibendotee acheek kainetap Kamuktaindet ne Toroor Kamuktaindennyo koigeny ak koigeny.

HABAKUK 3:16

Ki agas, ak kitilgei moennyu, ki potan kutinnyu eng' cheonooto. Ki nunio kawekyuk ak ki abotan eng' ole ki ami: Ki agen eng' siisinetapkei agobo peetuutap nyalilda, ne nyoonei koityin piik che ki ibookyo.

SEKARIA 10:10

Amutu icheek kogeny komang'une emetap Misiri, ak ayum icheek komong' eng' Assyria; ak amutu icheek kobwa emetap Gilead ak Lebanon; ama piitu ole yamei icheek.

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

SEKARIA 8:7

Mwaei Kamuktaindet ne Toroor ne po lugoosyek kole: Ogeero, asaru piikyuk eng' emet ne po kong'asiis ak eng' emet ne po cherongo;

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

2 PETERO 2:10

Ago eng' mageetap murwoonindo ak kosasei pounateet. Che koroomen, che isubi maguutikwak che ma potandos ye chubei che torooreen.

NG'ANG'UTYET 10:3

ak kitwek eng' kutit ne oo, ko uu ye morori ng'etundo. Ak ye kingo kagotwek, kobolyo tuloosyek tisabu.