HOSEA 10:10 - BUKUIT NE TILIIL Sireet ne Dutero Kanon

¹⁰ Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

Bukuit Ne Tilil

¹⁰ Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

BUKUIT NE TILIL

¹⁰ Atigoni ichek ye kamach; ak koyumgei bororiosiek koborie, ye kagiratyi ichek bistaosiekwak aeng’.

HOSEA 10:10 Referencias Cruzadas

1 LAITORINIK 12:28

Korwooch anyun laitoryat ye ibata kotany itoonwek aeng' che po moek che po thahabu; ak ki leenji icheek, “Uui kot eng' okweek obe otogoste Jerusalem. Ee Israel ogeer kanamonikwok o, che ki imutwak otogosu eng' emetap Misiri.”

Kitabuutap JOB 39:10

Tos imuuchi iratyi soet mogombet? Anan tos piruun mbareet ne kaibat?

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 16:16

Ogeero, ayooktoi keguur ramik che chaang' che po njireenik, mwaei Kamuktaindet ne Toroor, si kobiit koram icheek; ak ye ibata ayookte keguur kiplogotinik che chaang', si kobiit kocheeng'at icheek eng' tulweet age tugul, ak eng' tulweet age tugul ne ming'in, ak eng' kebenonik.

JEREMIA 21:4

Mwaei Kamuktaindet ne Toroor, Kamuktaindetap Israel, kole, ogeero, aweektoi kariigap lugeet che miitei eunekwok, che obaregei ak laitoryatap Babilon, ak Kaldeik che yiemok, eng' saang'utap irimoik, ak ayumji icheek kwenutap nganasani.

EZEKIEL 16:37

nooto anyun, keero, ayumi chamaniguk tugul, che ki obaibaige, icheek tugul che koichame, ak icheek tugul che koiweche; ayumjinin icheek kobun komosta age tugul, ak ang'aang'ji icheek kogeerin imi aach ngor, si kobiit kogeer aach ngoryeeng'ung' tugul.

EZEKIEL 16:42

Ageesu anyun nereegekyuk che ng'woneen eng' inyee, ak koistoenengei ng'etkondanyu, ak asiis, ma anereechi kogeny.

EZEKIEL 23:46

Amu mwaei Kiptaiyat Kamuktaindet ne Toroor kole: Amutyini icheek tuiyet, ak agoite icheek kewiirchi komosi ak komosi ak keluul.

EZEKIEL 23:9

Ki ande anyun ineendet eunegap chamanikyik, kwo eunegap piigap Assyria, che ki chamei miising'.

EZEKIEL 5:13

Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

HOSEA 10:9

Ee Israel, ki iyai tengekto kobooch peetuusyegap Gibea: kitononso eng' olooto: si ma nam icheek pooryeet eng' Gibea ne paregei ak lagogap tengekto.

HOSEA 4:19

ki kotuch usoonet ineendet eng' kebebaikyik; ak ililandos amu tiseiywekwak.

HOSEA 4:9

Ak kiit ne uu eng' piik, ko uu nooto eng' tisiindet; ak abire icheek amu ortinwekwak, ak ayaakyi poisyonikwak.

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

HOSEA 8:10

Ee, agot nganda alei eng' pororyosyek, ayumi anyun icheek; ak kotoi kong'ering'itu amu nyigiisindap lautyet ne ki igoochi icheek `laitorinik ak pounik.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.