HOSEA 1:7 - BUKUIT NE TILIIL Sireet ne Dutero Kanon

⁷ Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

Bukuit Ne Tilil

⁷ Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

BUKUIT NE TILIL

⁷ Ago arire gotab Juda, ak asorune ichek eutab Jehovah Kamuktaindenywa, amasoru eng’ kwanget, anan eng’ rotwetab chok, anan eng’ luget, anan eng’ mbartanyisiek, anan eng’ bik che lanyei mbartanyisiek.

HOSEA 1:7 Referencias Cruzadas

2 LAITORINIK 19:29

Yeityo komwachi `Isaiah laitoryat Hezekiah “Egu ni kaboorunet ne kiboorun: oame eng' kenyini che piitos icheegei, ak oam eng' kenyiitap aeng' che syegune chooto. Eng' kenyiitap somok, ogol ak oges ak omin keetiigap sabibuk, ak oam logoekwak.

2 LAITORINIK 19:34

‘Amu ariibe nganasani, asaru, agobo anee ak agobo Daudi otwogindennyu.’ ”

2 LAITORINIK 19:35

Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

2 LAITORINIK 6:18

Kingo choorgei piigap Syria ole mi ineendet, kosa Elisha Kamuktaindet ne Toroor kole, “Asaain ale pire pichu korateet.” Ara kibiree icheek korateet ko uu ng'olyootap Elisha.

TIENWOGIKAL 33:16

Ma mi laitoryat ne saruunegei chaang'indap lugeet; ma kisaru ne nyigan eng' kimnateet ne oo.

TIENWOGIKAL 44:7

Ago inyee ne ki isarwech eng' puunikyok, ak ki igoochi kolilaanso che wechech.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

KOMONG'U 14:30

Ki sar eng' peetuunooto anyun `Kamuktaindet ne Toroor Israel eng' eunegap Misiriik ak ki keer `Israel Misiriik ko kagobek komi ngeguutap nyanjet.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

JEREMIA 25:5

komwaei kole, ingoweek age tugul eng' okweek, kometo ooreennyi ne ya, ak eng' yaityetap poisyonikwok, ak omeny emet ne ki koonok Kamuktaindet ne Toroor kobooto kwanisyekwok, kobooch keny agoi koigeny;

JEREMIA 25:6

amosubote kamuktaik che teer, oot ak olasu icheek, amotacha eng' poisyonigap eunekwok; si ma yaiywok ne ya.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

HOSEA 1:8

Kingo kagolugee Lo-ruhama, komanach kogeny ak kosich weeriit.

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

1 SAMUEL 17:47

Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.”