HOSEA 1:11 - BUKUIT NE TILIIL Sireet ne Dutero Kanon

¹¹ Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

Bukuit Ne Tilil

¹¹ Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

BUKUIT NE TILIL

¹¹ Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 1:11 Referencias Cruzadas

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

JEREMIA 30:21

Ak kobiitune icheek pounindennywa, ak komang'une kwenunnywa kirwoogindennywa; ak agoochini ineendet koriik, konyo koriikyo; amu ng'oo ineendet ne tinyei nyiganateet koriikyo? Mwaei Kamuktaindet ne Toroor.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 50:19

Ak aweech Israel kogeny konyo ole agetye, ak koyagisye Karmel ak Bashan, ak kobiyo saboondanyi eng' tuloonoogap Ephraim ak eng' Gilead.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 2:1

Omwachi ng'eetap kametwagikwok oleenji “Piikyuk,” ak omwachi chepkametwagikwok oleenji, “Che ki kiriiree.”

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

ROMANIK 11:15

Amu ngo toortaennywa ko katuiyetap, ko tos nee anyun taagetap icheek, kobatee saboondo ne mang'une che ki pek?