HAGGAI 2:4 - BUKUIT NE TILIIL Sireet ne Dutero Kanon

⁴ Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

Bukuit Ne Tilil

⁴ Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

BUKUIT NE TILIL

⁴ Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

HAGGAI 2:4 Referencias Cruzadas

2 SAMUEL 5:10

Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

1 ATEPTAP PEETUUSYEK 22:13

Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

EZRAH 10:18

Ki piit eng' weeriigap tisiik che kiga kotun tiibiik che toek: eng' weeriigap Jeshua, weeriitap Josedak ak tupchosyekyik, ko ki Maaseia, Elieser, Jarib, ak Gedalia.

EZRAH 5:2

kong'eet anyun Zerubabel weeriitap Shealtiel ak Jeshua weeriitap Josadak ak kotoi koteech kootap Kamuktaindet ne mi Jerusalem. Ki mi kobooto icheek maotigap Kamuktaindet kotoreti.

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

SEKARIA 8:9

Mwaei Kamuktaindet ne Toroor ne po lugoosyek kole: “Ingogimegitu eunekwok, okweek che ogase ng'aleechu eng' peetuusyechu eng' maotik che ki mi eng' peetuut ne ki kiluumei lumeiywot ketau keteechei kogeny kootap Kamuktaindet ne Toroor ne po lugoosyek, nooto ko Hekaluut.

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

POISYONIGAP CHE KIYOKTOI 7:9

“Ye kingo am ng'et kong' poisyechooto agobo Joseph, koalda ineendet kwo Misiri. Ago ki mi Kamuktaindet kobooto ineendet,

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

JOSHUA 1:6

Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

KIRUOGIK 2:18

Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.

1 SAMUEL 16:18

Ki wolji anyun age eng' murenjoto chiget koleenji, “Ki ageer weeriit age ne po Jesse Bethlehemindet, ne putiin, chii ne kiim ne tinyei nyiganateet ak ko chiitap lugeet, ng'oom eng' ng'alaalet, inender ko chii ne karaaran ak komi Kamuktaindet ne Toroor kobooto ineendet.”